Salmo 128:1-6

  • Kalipay sa pagkahadlok kang Jehova

    • Asawa nga samag mabungahong punoan sa ubas (3)

    • “Hinaot makita nimo nga molambo ang Jerusalem” (5)

Awit sa Pagtungas. 128  Malipayon ang matag usa nga mahadlok kang Jehova,+Nga maglakaw sa Iyang mga dalan.+   Ikaw magakaon sa hinagoan sa imong mga kamot. Ikaw magmalipayon ug magmalamboon.+   Ang imong asawa mahisamag mabungahong punoan sa ubas sulod sa imong balay;+Ang imong mga anak mahisamag mga salingsing sa kahoyng olibo libot sa imong lamesa.   Tan-awa! Ingon niana ang panalangin nga madawat sa tawoNga mahadlok kang Jehova.+   Si Jehova magapanalangin kanimo gikan sa Zion. Hinaot makita nimo nga molambo ang Jerusalem sa tibuok nimong kinabuhi+   Ug makita nimo ang mga anak sa imong mga anak. Hinaot nga dunay pakigdait sa Israel.

Mga Footnote