Salmo 99:1-9
99 Si Jehova nahimong Hari.+ Hinaot mangurog ang mga katawhan.
Siya naglingkod sa trono ibabaw* sa mga kerubin.+ Hinaot matay-og ang yuta.
2 Si Jehova gamhanan sa Zion,Ug siya nagmando sa tanang katawhan.+
3 Ipadayeg kanila ang imong mahimayaong ngalan,+Kay kini makapahingangha ug balaan.
4 Siya maoy gamhanang hari nga nahigugma sa hustisya.+
Lig-on nimong gitukod ang pagkamatarong.
Gipatuman nimo ang hustisya ug pagkamatarong+ diha kang Jacob.
5 Bayawa si Jehova nga atong Diyos+ ug yukbo* sa tumbanan sa iyang tiil;+Siya balaan.+
6 Lakip si Moises ug Aaron sa iyang mga saserdote,+Ug lakip si Samuel niadtong mga nagatawag sa iyang ngalan.+
Sila motawag kang Jehova,Ug siya motubag kanila.+
7 Siya makigsulti kanila gikan sa haligi nga panganod.+
Ilang gituman ang mga pahinumdom ug mga sugo nga iyang gihatag kanila.+
8 Oh Jehova nga among Diyos, gitubag nimo sila.+
Ikaw maoy Diyos nga nagpasaylo kanila,+Apan gisilotan nimo sila* tungod sa ilang makasasalang binuhatan.+
9 Bayawa si Jehova nga atong Diyos+Ug yukbo* atubangan sa iyang balaang bukid,+Kay si Jehova nga atong Diyos balaan.+
