Salmo 9:1-20
Ngadto sa direktor; sa Muth-laben.* Salmo ni David.
א [Aleph]
9 Dayegon ka nako, Oh Jehova, sa tibuok nakong kasingkasing;Ipahayag nako ang tanan nimong katingalahang buhat.+
2 Magsadya ko ug maghugyaw tungod kanimo;Mag-awit kog mga pagdayeg* sa imong ngalan, Oh Labing Hataas.+
ב [Beth]
3 Dihang mangatras ang akong mga kaaway,+Sila mangapukan ug mangalaglag sa imong atubangan.
4 Kay imo kong gihatagag hustisya ug gilabanan;Milingkod ka sa imong trono nga nagahukom sa pagkamatarong.+
ג [Gimel]
5 Gibadlong nimo ang mga nasod+ ug gilaglag ang daotan,Ug gipapas nimo ang ilang ngalan hangtod sa kahangtoran.
6 Ang kaaway bug-os nang nalaglag;Imong giluka ang ilang mga siyudad,Ug ang tanan nilang handomanan mahanaw.+
ה [He]
7 Apan si Jehova naglingkod sa iyang trono hangtod sa hangtod;+Lig-on niyang gitukod ang iyang trono alang sa hustisya.+
8 Hukman niya ang gipuy-ang yuta* uban ang pagkamatarong;+Siya magpakanaog ug matarong nga mga hukom alang sa kanasoran.+
ו [Waw]
9 Si Jehova mahimong luwas nga dangpanan* alang sa mga dinaogdaog,+Usa ka luwas nga dangpanan panahon sa kasakit.+
10 Kadtong nakaila sa imong ngalan mosalig kanimo;+Dili gyod nimo biyaan kadtong nangita kanimo, Oh Jehova.+
ז [Zayin]
11 Pag-awit ug mga pagdayeg kang Jehova, kinsa nagpuyo sa Zion;Ipaila ang iyang mga buhat taliwala sa mga katawhan.+
12 Kay ang Usa nga manimalos alang sa ilang dugo mahinumdom kanila;+Siya dili malimot sa pagtuaw sa mga sinakit.+
ח [Heth]
13 Pakitai kog kaluoy, Oh Jehova; tan-awa ang akong kasakitan tungod kanilang nagdumot kanako,Ikaw nga nag-isa kanako gikan sa mga ganghaan* sa kamatayon,+
14 Aron ikapahayag nako ang imong dalayegong mga buhat diha sa mga ganghaan sa anak nga babaye sa Zion,+Ug magsadya ko sa imong mga buhat sa pagluwas.+
ט [Teth]
15 Ang mga nasod nangahulog sa gahong nga ilang gihimo;Ang ilang mga tiil nabitik sa pukot nga ilang gibutang ingong lit-ag.+
16 Si Jehova nailhan sa paghukom nga iyang ipatuman.+
Ang daotan nalit-agan sa buhat sa iyang kaugalingong mga kamot.+
Higgayon.* (Selah)
י [Yod]
17 Ang mga daotan mopaingon sa Lubnganan,*Ang tanang nasod nga nakalimot sa Diyos.
18 Apan ang kabos dili gayod kalimtan;+Ug dili gayod mahanaw ang paglaom sa mga maaghop.*+
כ [Kaph]
19 Tindog, Oh Jehova! Ayawg tugoti nga ang tawo modaog.
Hinaot ang mga nasod pagahukman sa imong atubangan.+
20 Ipahinabo nga mahadlok sila, Oh Jehova,+Ipaila sa mga nasod nga sila mga tawo lamang. (Selah)
