Salmo 41:1-13
Ngadto sa direktor. Salmo ni David.
41 Malipayon si bisan kinsa nga mahunahunaon sa timawa;+Luwason siya ni Jehova sa adlaw sa katalagman.
2 Bantayan siya ni Jehova ug tipigang buhi.
Siya ipahayag nga malipayon dinhi sa yuta;+Dili gayod nimo siya itugyan sa* iyang mga kaaway.+
3 Si Jehova magpalig-on kaniya sa iyang higdaanan dihang siya masakit;+Panahon nga masakit siya, ilisan nimo sa bug-os ang iyang higdaanan.
4 Kay miingon ko: “Oh Jehova, pakitai kog kaluoy.+
Ayoha ko,+ kay nakasala ko kanimo.”+
5 Apan ang akong mga kaaway nagsultig daotan bahin kanako:
“Kanus-a man siya mamatay ug mahanaw ang iyang ngalan?”
6 Kon ang usa kanila moanhi sa pagpakigkita kanako, ang iyang kasingkasing mosultig kabakakan.
Mangita siyag ikasulti nga makadaot kanako;Unya siya mogula ug ipakaylap kini.
7 Ang tanang nagdumot kanako maghunghongay;Nagplano silag daotan batok kanako:
8 “Dihay katalagman nga midangat kaniya;Karon nga natumba siya, dili na siya mobangon pag-usab.”+
9 Bisag ang tawo nga may pakigdait kanako, nga akong gisaligan,+Kinsa mikaon sa akong tinapay, nahimong akong kaaway.*+
10 Apan pakitai kog kaluoy, Oh Jehova, ug bangona ko,Aron mabaslan nako sila.
11 Pinaagi niini, mahibalo ko nga nalipay ka kanako:
Dihang ang akong kaaway dili makasinggit sa kadaogan batok kanako.+
12 Kon bahin kanako, imo kong gipaluyohan tungod sa akong integridad;+Imo kong ipahimutang sa imong atubangan hangtod sa hangtod.+
13 Madayeg unta si Jehova, ang Diyos sa Israel,Hangtod sa hangtod.+
Amen ug Amen.
