Salmo 112:1-10
112 Dayega si Jah!*+
א [Aleph]
Malipayon ang tawo nga nahadlok kang Jehova,+ב [Beth]Nga nalipay pag-ayo sa iyang mga sugo.+
ג [Gimel]
2 Ang iyang kaliwatan mahimong gamhanan sa yuta,ד [Daleth]Ug ang kaliwatan sa mga matarong panalanginan.+
ה [He]
3 Ang bahandi ug katigayonan anaa sa iyang balay,ו [Waw]Ug ang iyang pagkamatarong magpadayon hangtod sa hangtod.
ז [Zayin]
4 Alang sa mga matarong, siya modan-ag samag kahayag diha sa kangitngit.+
ח [Heth]
Siya mabination* ug maluluy-on+ ug matarong.
ט [Teth]
5 Maayo ang dangatan niadtong dili magduhaduha sa pagpahulam.*+
י [Yod]
Ginahimo niya ang iyang mga kalihokan uban ang hustisya.
כ [Kaph]
6 Dili gayod siya matarog.+
ל [Lamed]
Ang matarong mahinumdoman hangtod sa hangtod.+
מ [Mem]
7 Dili siya mahadlok sa daotang balita.+
נ [Nun]
Lig-on ang iyang kasingkasing, nga nagasalig kang Jehova.+
ס [Samekh]
8 Ang iyang kasingkasing dili matarog;* wala siya mahadlok;+ע [Ayin]Sa kataposan motan-aw siya sa kapildihan sa iyang mga kaaway.+
פ [Pe]
9 Siya dagayang* nanagtag; siya nanghatag sa mga kabos.+
צ [Tsade]
Ang iyang pagkamatarong magpadayon hangtod sa hangtod.+
ק [Qoph]
Ang iyang kusog* bayawon uban ang himaya.
ר [Resh]
10 Ang daotan makakita ug masuko.
ש [Shin]
Pakagoton niya ang iyang mga ngipon ug siya mahanaw.
ת [Taw]
Ang mga tinguha sa daotan dili molampos.+
