Salmo 98:1-9
-
Si Jehova, Manluluwas ug matarong nga Maghuhukom
-
Gipahibalo ang pagluwas ni Jehova (2, 3)
-
Usa ka salmo.
98 Pag-awit mo kang Jehova ug bag-ong awit,+Kay siya nagbuhat ug katingalahang mga butang.+
Ang iyang tuong kamot, ang iyang balaang bukton, nagpahinabog kaluwasan.*+
2 Gipahibalo ni Jehova ang iyang pagluwas;+Gipadayag niya ang iyang pagkamatarong atubangan sa kanasoran.+
3 Siya nahinumdom sa iyang maunongong gugma ug pagkamatinumanon alang sa panimalay ni Israel.+
Ang tibuok yuta nakakita sa pagluwas sa atong Diyos.*+
4 Singgit sa kadaogan sa atubangan ni Jehova, kamong tanan sa yuta.
Pagsadya mo ug singgit sa kalipay ug pag-awit ug mga pagdayeg.*+
5 Pag-awit ug mga pagdayeg* kang Jehova uban ang alpa,Uban ang alpa ug ang mananoy nga awit.
6 Uban ang mga trompeta ug ang tingog sa budyong,+Singgit sa kadaogan sa atubangan sa Hari, si Jehova.
7 Pahugyawa ang dagat ug ang tanang anaa niana,Ang yuta* ug ang mga nagpuyo niana.
8 Papakpaka ang mga suba;Pasinggita sa kalipay ang tanang kabukiran+
9 Sa atubangan ni Jehova, kay siya moabot* aron hukman ang yuta.
Hukman niya ang gipuy-ang yuta* uban ang pagkamatarong+Ug hukman niya nga walay pagpihigpihig ang mga katawhan.+
