Salmo 12:1-8

  • Si Jehova motindog aron mangilabot

    • Mga pulong sa Diyos lunsay (6)

Ngadto sa direktor; sa tono sa Sheminith.* Salmo ni David. 12  Luwasa ko, Oh Jehova, kay wala nay maunongon;Ang mga matinumanon taliwala sa katawhan nahanaw na.   Sila nagasultig kabakakan sa usag usa;Sila nag-ulog-ulog pinaagi sa ilang ngabil ug nagsulti uban ang malimbongong kasingkasing.*+   Putlon ni Jehova ang tanang maulog-ulogon nga ngabilUg ang dila nga nanghambog ug dagkong butang,+   Kadtong nag-ingon: “Modaog mi pinaagi sa among dila. Gamiton namo ang among ngabil sa pagsulti kon unsay gusto namong isulti;Kinsa ang mahimo namong agalon?”+   “Kay ang mga sinakit gidaogdaog,Tungod sa pagpanghupaw sa mga kabos,+Motindog ko aron mangilabot,” miingon si Jehova. “Luwason nako sila gikan niadtong nagatamay kanila.”   Ang mga pulong ni Jehova lunsay;+Sama kinig plata* nga gidalisay diha sa hudno nga yutang kulonon,* nga gilunsay sa makapito.   Imo silang bantayan, Oh Jehova;+Panalipdan nimo ang matag usa kanila gikan niining kaliwatana hangtod sa hangtod.   Ang mga daotan nagalakawlakaw nga gawasnonKay gipasiugda sa mga anak sa mga tawo ang pagkadaotan.+

Mga Footnote

Tan-awa sa Glossary.
Literal, “ang usa ka kasingkasing ug usa ka kasingkasing.”
Iningles, silver.
O posible, “sa tunawanang hudno nga gibutang sa yuta.”