Salmo 145:1-21
Salmo sa pagdayeg ni David.
א [Aleph]
145 Bayawon ka nako, Oh akong Diyos nga Hari,+Dayegon nako ang imong ngalan hangtod sa kahangtoran.+
ב [Beth]
2 Dayegon ka nako sa tibuok adlaw;+Dayegon nako ang imong ngalan hangtod sa kahangtoran.+
ג [Gimel]
3 Si Jehova gamhanan kaayo ug takos gayod sa pagdayeg;+Ang iyang pagkagamhanan dili matukib.*+
ד [Daleth]
4 Ang sunodsunod nga kaliwatan magdayeg sa imong mga buhat;Isugid nila ang imong gamhanang mga buhat.+
ה [He]
5 Mosulti sila bahin sa imong himaya ug kahalangdon+Ug pamalandongon nako ang imong katingalahang mga buhat.
ו [Waw]
6 Hisgotan nila ang imong makapahinganghang mga buhat,*Ug ipahayag nako ang imong pagkagamhanan.
ז [Zayin]
7 Madasigon silang mag-asoy sa imong dagayang pagkamaayo samtang ila kining gihinumdoman,+Ug sila manghugyaw sa kalipay tungod sa imong pagkamatarong.+
ח [Heth]
8 Si Jehova mabination* ug maluluy-on,+Dili daling masuko ug dagaya sa maunongong gugma.+
ט [Teth]
9 Si Jehova maayo sa tanan,+Ug ang iyang kaluoy madayag sa tanan niyang buhat.
י [Yod]
10 Ang tanan nimong mga buhat maghimaya kanimo, Oh Jehova,+Ug ang mga maunongon kanimo magdayeg kanimo.+
כ [Kaph]
11 Sila magpahayag sa himaya sa imong pagkahari+Ug mosulti bahin sa imong pagkagamhanan,+
ל [Lamed]
12 Aron ipahibalo ngadto sa mga tawo ang imong gamhanang mga buhat+Ug ang himaya ug kahalangdon sa imong pagkahari.+
מ [Mem]
13 Ang imong pagkahari walay kataposan,Ug ang imong dominyo magpadayon latas sa tanang kaliwatan.+
ס [Samekh]
14 Sapnayon ni Jehova ang tanang nangatumba+Ug bangonon ang tanang nangaumod.+
ע [Ayin]
15 Ang tanang mata malaomong nagtan-aw kanimo;Hatagan nimo silag pagkaon sa hustong panahon.+
פ [Pe]
16 Imong ibukhad ang imong kamotUg tagbawon ang tinguha sa tanang buhing linalang.+
צ [Tsade]
17 Si Jehova matarong sa tanan niyang buhat+Ug maunongon sa tanan niyang ginahimo.+
ק [Qoph]
18 Si Jehova duol sa tanang nagatawag kaniya,+Sa tanang nagatawag kaniya sa kamatuoran.*+
ר [Resh]
19 Iyang tagbawon ang tinguha sa mga nahadlok kaniya;+Iyang dunggon ang ilang pagtuaw alang sa tabang ug luwason sila.+
ש [Shin]
20 Bantayan ni Jehova ang tanang nahigugma kaniya,+Apan laglagon niya ang tanang daotan.+
ת [Taw]
21 Ang akong baba magdayeg kang Jehova;+Dayegon unta sa tanang buhing linalang* ang iyang balaang ngalan hangtod sa kahangtoran.+
