Salmo 105:1-45
-
Pagkamatinumanon ni Jehova sa iyang katawhan
105 Pagpasalamat mo kang Jehova,+ sangpita ang iyang ngalan,Ipahibalo sa mga katawhan ang iyang mga buhat!+
2 Pag-awit mo kaniya, pag-awit ug mga pagdayeg kaniya,*Pamalandonga* ang tanan niyang katingalahang buhat.+
3 Ipasigarbo ang iyang balaang ngalan.+
Magsadya unta ang kasingkasing niadtong mga nagapangita kang Jehova.+
4 Pangitaa si Jehova+ ug ang iyang kusog.
Pangitaa ang iyang nawong* sa kanunay.
5 Hinumdomi ang katingalahang mga buhat nga iyang gihimo,Ang iyang mga milagro ug ang mga hukom nga iyang gipakanaog,+
6 Kamong mga kaliwat* ni Abraham nga iyang alagad,+Kamong mga anak ni Jacob, nga iyang mga pinili.+
7 Siya si Jehova nga atong Diyos.+
Ang iyang mga hukom makita diha sa tibuok yuta.+
8 Siya mahinumdom sa iyang pakigsaad hangtod sa hangtod,+Ang saad nga iyang gihimo,* hangtod sa usa ka libo ka kaliwatan,+
9 Ang pakigsaad nga iyang gihimo uban kang Abraham,+Ug ang iyang gipanumpa kang Isaac,+
10 Nga iyang gilig-on ingong usa ka mando alang kang JacobUg ingong usa ka pakigsaad alang sa Israel hangtod sa panahong walay tino,
11 Nga nag-ingon, “Akong ihatag kanimo ang yuta sa Canaan+Ingong panulondon nga gigahin alang kaninyo.”+
12 Kadto maoy samtang sila diyutay pa,+Oo, diyutay kaayo, ug sila mga langyaw pa sa yuta.+
13 Sila nagbalhinbalhin gikan sa usa ka nasod ngadto sa laing nasod,Gikan sa usa ka gingharian ngadto sa laing katawhan.+
14 Wala niya tugoti si bisan kinsa sa pagdaogdaog kanila,+Apan tungod kanila iyang gibadlong ang mga hari,+
15 Nga nag-ingon, “Ayaw ninyog hilabti ang akong mga dinihogan,*Ug ayaw buhatig daotan ang akong mga propeta.”+
16 Siya nagpahinabog gutom sa yuta;+Wala na siya magtagana kanilag tinapay.*
17 Nagpadala siyag tawo una kanilaNga gibaligya aron mahimong ulipon, si Jose.+
18 Gikadenahan* nila ang iyang mga tiil,+Gibutangan ug puthaw nga kadena ang iyang liog;
19 Hangtod sa panahon nga natuman ang iyang gisaad,+Ang mga pulong ni Jehova nagdalisay kaniya.
20 Ang hari nagpasugo nga pagawson siya,+Ang magmamando sa mga katawhan nagpagawas kaniya.
21 Gihimo niya siyang agalon sa iyang panimalay,Tigdumala ibabaw sa tanan niyang katigayonan,+
22 Sa pagdumala* sa iyang mga prinsipe sumala sa kon unsay gusto niyaUg sa pagtudlog kaalam ngadto sa iyang mga tigulang.+
23 Unya si Israel miadto sa Ehipto,+Ug si Jacob mipuyo ingong langyaw sa yuta sa Ham.
24 Gihimo sa Diyos nga mabungahon kaayo ang iyang katawhan;+Gihimo niya silang mas gamhanan kay sa ilang mga kaaway,+
25 Kansang kasingkasing gitugotan niyang mabag-o aron dumtan nila ang iyang katawhan,Aron magplanog daotan batok sa iyang mga alagad.+
26 Gipadala niya ang iyang alagad nga si Moises,+Ug si Aaron,+ nga iyang gipili.
27 Ilang gipakita kanila ang iyang mga ilhanan,Ang iyang mga milagro sa yuta sa Ham.+
28 Gipadala niya ang kangitngit ug ang yuta mingitngit;+Sila wala mosupak sa iyang mga pulong.
29 Gihimo niyang dugo ang ilang katubiganUg gipatay ang ilang mga isda.+
30 Gihugpaan ug mga baki ang ilang yuta,+Bisan ang mga lawak sa hari.
31 Gisugo niya nga mohugpa ang mga langaw*Ug ang mga tagnok sa tanan nilang teritoryo.+
32 Gihimo niyang ulan nga yelo ang ilang ulanUg nagpadala siyag kilat* sa ilang yuta.+
33 Gihampak niya ang ilang ubasan ug mga kahoyng igosUg gipamukan ang mga kahoy sa ilang teritoryo.
34 Gisugo niya nga mohugpa ang mga dulon,Mga dulon nga dili maihap.+
35 Gipangaon nila ang tanang tanom sa yuta,Ug gihurot nila ang abot sa yuta.
36 Unya gipatay niya ang tanang panganay sa ilang yuta,+Ang unang bunga sa ilang katakos sa pagsanay.
37 Gipagawas niya ang iyang katawhan nga may plata ug bulawan;+Ug walay usa sa iyang mga tribo ang natumba.
38 Nalipay ang Ehipto sa ilang pagbiya,Kay sila nahadlok sa Israel.*+
39 Nagbuklad siyag panganod aron manalipod kanila+Ug kalayo aron maghatag ug kahayag sa magabii.+
40 Sila nangayo, ug nagpadala siyag mga buntog;+Iyang gitagbaw sila sa tinapay gikan sa langit.+
41 Gibuka niya ang usa ka bato, ug mibugwak ang katubigan;+Kini midagayday agi sa desyerto samag suba.+
42 Kay wala niya kalimti ang iyang balaang saad kang Abraham nga iyang alagad.+
43 Busa gipagawas niya ang iyang katawhan uban ang kasadya,+Ang iyang mga pinili uban ang hugyaw sa kalipay.
44 Gihatag niya kanila ang kayutaan sa mga nasod;+Ilang napanunod ang hinagoan sa ubang mga katawhan.+
45 Gihimo niya kini aron ilang tumanon ang iyang mga sugo+Ug sundon ang iyang mga balaod.
Dayega si Jah!*
Mga Footnote
^ O posible, “Isulti.”
^ O “pag-awit kaniya nga dinuyogag musika.”
^ O “presensiya; pag-uyon.”
^ Literal, “binhi.”
^ Literal, “Ang pulong nga iyang gimando.”
^ Literal, “Iyang gibali ang matag tuhoganag tinapay.” Posibleng nagtumong sa mga tuhoganan nga gigamit sa pagtipig ug tinapay.
^ Literal, “Gipasakitan.”
^ Literal, “paggapos.”
^ Klase sa langaw nga mamaak.
^ O “kalayo.”
^ Literal, “kanila.”
^ O “Aleluya!” “Jah” ang pinamubo sa ngalang Jehova.
