Salmo 95:1-11
95 Dali kamo, maninggit ta sa kalipay alang kang Jehova!
Maninggit ta sa kadaogan alang sa atong Bato sa kaluwasan.+
2 Manuol ta sa iyang presensiya* uban ang pagpasalamat;+Mag-awit ta ug maninggit sa kadaogan alang kaniya.
3 Kay si Jehova maoy bantogan nga Diyos,Bantogan nga Hari ibabaw sa tanang ubang diyos.+
4 Ang mga kahiladman sa yuta anaa sa iyang kamot;Iyaha ang mga taluktok sa kabukiran.+
5 Iyaha ang dagat, nga iyang gibuhat,+Ug pinaagi sa iyang mga kamot, giumol niya ang mala nga yuta.+
6 Dali kamo, mosimba ta ug moyukbo;Moluhod ta sa atubangan ni Jehova nga atong Magbubuhat.+
7 Kay siya ang atong Diyos,Ug kita ang katawhan sa iyang sibsibanan,Ang mga karnero nga iyang giatiman.*+
Karong adlawa kon mamati mo sa iyang tingog,+
8 Ayaw patig-aha ang inyong kasingkasing sama sa nahitabo sa Meriba,*+Sama sa nahitabo sa Masah* sa kamingawan,+
9 Dihang gisulayan ko sa inyong mga katigulangan;+Ila kong gihagit, bisag nakita na nila ang akong mga buhat.+
10 Sulod sa 40 ka tuig giluod ko niadto nga kaliwatan, ug miingon ko:
“Sila maoy katawhan kansang kasingkasing kanunayng masukihon;Wala sila mosubay sa akong mga dalan.”
11 Busa sa akong kasuko nanumpa ko:
“Dili sila makasulod sa akong kapahulayan.”+
