Salmo 34:1-22
Salmo ni David, dihang siya nagpakaaron-ingnong buang+ sa atubangan ni Abimelek, kinsa nag-abog kaniya, busa siya milakaw.
א [Aleph]
34 Dayegon nako si Jehova sa tanang panahon;Ang akong mga ngabil kanunayng magadayeg kaniya.
ב [Beth]
2 Ipanghambog nako si Jehova;+Ang mga maaghop* makadungog ug magsadya.
ג [Gimel]
3 Himayaa si Jehova uban kanako;+Bayawon nato ang iyang ngalan.
ד [Daleth]
4 Nagpakisayod ko kang Jehova, ug gitubag ko niya.+
Giluwas ko niya gikan sa tanan nakong gikahadlokan.+
ה [He]
5 Ang mga nawong niadtong mitan-aw kaniya midan-ag;Sila dili maulawan.
ז [Zayin]
6 Kining usa nga timawa mitawag, ug gidungog siya ni Jehova.
Iyang giluwas siya gikan sa tanan niyang kasakitan.+
ח [Heth]
7 Ang anghel ni Jehova nagkampo libot niadtong mga nahadlok Kaniya,+Ug siya nagluwas kanila.+
ט [Teth]
8 Tilawi ug tan-awa nga si Jehova maayo;+Malipayon ang tawo nga modangop kaniya.
י [Yod]
9 Kahadloki si Jehova, kamo nga iyang mga balaan,Kay walay makulang alang niadtong mga mahadlok kaniya.+
כ [Kaph]
10 Bisan ang kusgan nga mga batang leyon* magutman,Apan kadtong nagapangita kang Jehova dili makulangan ug maayong mga butang.+
ל [Lamed]
11 Dali ngari, mga anak ko, pamati kanako;Akong itudlo kaninyo ang pagkahadlok kang Jehova.+
מ [Mem]
12 Kinsa kaninyo ang gustong makabaton ug malipayong kinabuhiUg nagtinguha nga makasinatig daghang malipayong mga adlaw?+
נ [Nun]
13 Nan, bantayi ang imong dila gikan sa kon unsay daotan,+Ang imong mga ngabil gikan sa pagsultig limbong.+
ס [Samekh]
14 Pahilayo sa kon unsay daotan ug buhata ang maayo;+Tinguhaa ang pakigdait ug hupti kini.+
ע [Ayin]
15 Ang mga mata ni Jehova anaa sa mga matarong,+Ug ang iyang mga dalunggan namati sa ilang pagtuaw alang sa tabang.+
פ [Pe]
16 Apan gisalikway ni Jehova ang mga nagabuhat ug daotan,Aron dili na sila mahinumdoman sa yuta.+
צ [Tsade]
17 Sila mituaw, ug gidungog sila ni Jehova;+Iyang giluwas sila gikan sa tanan nilang kasakitan.+
ק [Qoph]
18 Si Jehova duol niadtong mga dugmok ug kasingkasing;+Iyang luwason kadtong mga naluya ang buot.*+
ר [Resh]
19 Daghan ang kalisdanan* sa matarong,+Apan luwason siya ni Jehova gikan nianang tanan.+
ש [Shin]
20 Iyang ginapanalipdan ang tanan niyang bukog;Walay usa niini ang nabali.+
ת [Taw]
21 Ang daotan mamatay sa katalagman;Kadtong mga nagdumot sa pagkamatarong hukmang sad-an.
22 Ginatubos ni Jehova ang kinabuhi sa iyang mga alagad;Walay usa niadtong modangop kaniya ang hukmang sad-an.+
