Salmo 20:1-9
-
Kaluwasan alang sa dinihogang hari sa Diyos
-
Ang pipila nagasalig sa mga karo ug kabayo, “apan kami nagatawag sa ngalan ni Jehova” (7)
-
Ngadto sa direktor. Salmo ni David.
20 Hinaot tubagon ka ni Jehova sa adlaw sa kasakitan.
Hinaot panalipdan ka sa ngalan sa Diyos ni Jacob.+
2 Hinaot padalhan ka niyag tabang gikan sa balaang dapit+Ug palig-onon ka niya gikan sa Zion.+
3 Hinaot hinumdoman niya ang tanan nimong halad nga gasa;Hinaot dawaton niya nga may pag-uyon* ang imong halad nga sinunog. (Selah)
4 Hinaot ihatag niya kanimo ang mga tinguha sa imong kasingkasing+Ug palamposon ang tanan nimong plano.*
5 Manghugyaw mi sa kalipay tungod sa imong mga buhat sa pagluwas;+Iisa namo ang among mga bandila sa ngalan sa among Diyos.+
Hinaot ihatag ni Jehova ang tanan nimong hangyo.
6 Karon nahibalo ko nga luwason ni Jehova ang iyang dinihogan.*+
Iyang tubagon siya gikan sa iyang balaang kalangitanUban ang dagkong kadaogan* pinaagi sa iyang tuong kamot.+
7 Ang pipila nagasalig sa mga karo ug ang uban sa mga kabayo,+Apan kami nagatawag sa ngalan ni Jehova nga among Diyos.+
8 Sila nangahugno ug nangapukan,Apan kami nanindog ug napasig-uli.+
9 Oh Jehova, luwasa ang hari!+
Tubagon mi niya sa adlaw nga kami mangayog tabang.+
