Salmo 75:1-10
-
Ang Diyos maghukom nga walay pagpihigpihig
-
Mga daotan moinom sa kopa ni Jehova (8)
-
Ngadto sa direktor. Sa tono sa “Ayawg Laglaga.” Salmo ni Asap.+ Usa ka awit.
75 Magpasalamat kami kanimo, Oh Diyos, magpasalamat kami kanimo;Ang imong ngalan nagauban kanamo,+Ug ang mga tawo magpahayag sa imong katingalahang mga buhat.
2 Miingon ka: “Dihang magtakda kog panahon,Maghukom ko nga walay pagpihigpihig.
3 Dihang ang yuta ug ang tanang molupyo niini nangatunaw,Ako ang nagpahinabo nga magpabiling lig-on ang mga haligi niini.” (Selah)
4 Miingon ko sa mga hambogiro: “Ayawg panghambog,”Ug sa mga daotan, “Ayawg ipasigarbo ang inyong kusog.*
5 Ayawg ipasigarbo nga kusgan kaayo mo*Ug ayawg sulti nga mapahitas-on.
6 Kay ang pagbayaw wala maggikanSa sidlakan o sa kasadpan o sa habagatan.
7 Kay ang Diyos Maghuhukom.+
Ipaubos niya ang usa ka tawo ug bayawon ang lain.+
8 Kay dunay kopa sa kamot ni Jehova;+Ang bino isog ug nagbula.
Iya gayod kining ibubo,Ug ang tanang daotan sa yuta moinom niini, lakip sa linugdang niini.”+
9 Apan alang kanako, imantala nako kini hangtod sa hangtod;Mag-awit kog mga pagdayeg* sa Diyos ni Jacob.
10 Kay siya miingon: “Putlon nako ang tanang kusog* sa mga daotan,Apan ang kusog* sa mga matarong pagabayawon.”
