Salmo 62:1-12
Ngadto sa direktor; sa Jedutun.* Salmo ni David.
62 Sa pagkatinuod, mapailobon kong naghulat sa Diyos.
Ang akong kaluwasan naggikan kaniya.+
2 Siya gayod ang akong bato ug ang akong kaluwasan, ang akong luwas nga dangpanan;*+Dili gyod ko matarog ug mapukan.+
3 Hangtod kanus-a ba nga atakehon ninyo ang usa ka tawo aron patyon?+
Kamong tanan sama ka peligroso sa naghirig nga paril, paril nga bato nga hapit nang malumpag.*
4 Kay sila nagkonsultahanay aron tangtangon siya sa iyang taas nga posisyon;*Sila nalipay sa pagpamakak.
Pinaagi sa ilang baba sila nagapanalangin, apan sa ilang kasingkasing sila nanunglo.+ (Selah)
5 Sa pagkatinuod, mapailobon kong naghulat sa Diyos+Kay ang akong paglaom naggikan kaniya.+
6 Siya gayod ang akong bato ug ang akong kaluwasan, ang akong luwas nga dangpanan;Dili gyod ko matarog.+
7 Anaa sa Diyos ang akong kaluwasan ug himaya.
Ang Diyos mao ang akong lig-ong bato, ang akong dangpanan.+
8 Salig mo kaniya sa tanang panahon, Oh katawhan.
Ibubo ang inyong kasingkasing kaniya.+
Ang Diyos maoy atong dangpanan.+ (Selah)
9 Ang mga anak sa mga tawo maoy gininhawa lamang,Ang mga anak sa katawhan maoy dili tinuod nga dangpanan.+
Kon timbangon silang tanan, mas gaan pa sila kay sa gininhawa.+
10 Ayaw mog salig sa pagpangilkilUg ayaw mog laom sa pagpanulis.
Kon ang inyong bahandi modaghan, ayawg ibutang ang inyong paglaom niana.+
11 Kausa ang Diyos nagsulti, kaduha nako kining nadungog:
Nga ang kusog iya sa Diyos.+
12 Imoha usab ang maunongong gugma, Oh Jehova,+Kay imong balosan ang matag usa sumala sa iyang binuhatan.+
