Salmo 88:1-18
Usa ka awit. Salmo sa mga anak ni Kore.+ Ngadto sa direktor; sa estilo sa Mahalath,* pagaawiton nga tubagtubag. Maskil* ni Heman+ nga Ezrahanon.
88 Oh Jehova, ang Diyos sa akong kaluwasan,+Sa maadlaw motuaw ko,Ug sa magabii moanha ko sa imong atubangan.+
2 Hinaot makaabot kanimo ang akong pag-ampo,+Ikiling ang imong igdulungog* sa akong pagtuaw alang sa tabang.+
3 Kay ang akong kalag* punog katalagman,+Ug ang akong kinabuhi anaa sa baba sa Lubnganan.*+
4 Ako giisip na nga lakip niadtong manganaog sa gahong;*+Nahisama kog tawo nga walay mahimo,*+
5 Nga gibiyaan taliwala sa mga pataySamag tawong gipatay nga nagbuy-od sa lubnganan,Nga wala na nimo hinumdomiUg nga nahimulag gikan sa imong pag-atiman.*
6 Gibutang ko nimo sa kinalalomang gahong,Sa ngitngit nga mga dapit, sa dako nga bung-aw.*
7 Ang imong kapungot nakapabug-at kanako,+Ug gikusokuso ko nimo sa imong naglagapak nga mga balod. (Selah)
8 Gipahilayo nimo kanako ang akong mga kaila;+Gihimo ko nimo nga dulumtanan kanila.
Nabilanggo ko ug dili makaikyas.
9 Ang akong mata nangluyloy tungod sa akong kasakitan.+
Nagsangpit ko kanimo, Oh Jehova, sa tibuok adlaw;+Gibayaw nako ang akong mga kamot kanimo.
10 Mohimo ba kag kahibulongang mga buhat alang sa mga patay?
Makabangon ba ang mga patay sa pagdayeg kanimo?+ (Selah)
11 Ipahayag ba ang imong maunongong gugma diha sa lubnganan,Ang imong pagkamatinumanon diha sa dapit sa kalaglagan?*
12 Makita ba diha sa kangitngitan ang imong kahibulongang mga buhatO ang imong pagkamatarong diha sa yuta sa kalimot?+
13 Apan nagpakitabang gihapon ko kanimo, Oh Jehova,+Matag buntag kong nagaampo kanimo.+
14 Nganong gisalikway ko nimo, Oh Jehova?+
Nganong gitago nimo kanako ang imong nawong?+
15 Sukad sa akong pagkabatan-on,Ako gisakit ug andam nang mamatay;+Nakubalan na ko tungod sa grabeng mga butang nga gitugot nimong maagoman nako.
16 Gibati nako nga nagsilaob ang imong kasuko;+Ang mga kalisang nga gikan kanimo nagdaot kanako.
17 Sa tibuok adlaw gilibotan ko nila samag katubigan;Giatake ko nila gikan sa tanang direksiyon.*
18 Gipahilayo nimo kanako ang akong mga higala ug kaubanan;+Ang kangitngitan nahimong akong kauban.
