Salmo 57:1-11
Ngadto sa direktor; sa tono sa “Ayawg Laglaga.” Salmo ni David. Miktam.* Dihang mikalagiw siya kang Saul ngadto sa langob.+
57 Kaluy-i ko, Oh Diyos, kaluy-i ko,Kay ako modangop kanimo,+Ug sa landong sa imong mga pako ako modangop hangtod mawala na ang kapeligrohan.+
2 Motawag ko sa Diyos nga Labing Hataas,Sa matuod nga Diyos, nga maglaglag kanila tungod kanako.
3 Gikan sa langit, siya magpadalag tabang ug magluwas kanako.+
Iyang babagan ang nagabanghag kanako. (Selah)
Ipadala sa Diyos ang iyang maunongong gugma ug pagkamatinumanon.+
4 Gipalibotan ko ug mga leyon;+Kinahanglan kong mohigda uban sa mga tawong gustong motukob kanako,Kansang mga ngipon nahisamag mga bangkaw ug udyongUg kansang dila nahisamag hait nga espada.+
5 Hinaot mabayaw ka ibabaw sa kalangitan, Oh Diyos;Hinaot nga ang imong himaya molabaw sa tibuok yuta.+
6 Nagbutang silag pukot sa paglit-ag sa akong mga tiil;+Natikuko ko tungod sa kasakitan.+
Nagkalot silag gahong sa akong agianan,Apan sila mismo ang nahulog niini.+ (Selah)
7 Lig-on ang akong kasingkasing, Oh Diyos,+Lig-on ang akong kasingkasing.
Moawit ko nga dinuyogag musika.
8 Pagmata, akong himaya.
Pagmata, Oh dekuwerdas nga instrumento; ikaw usab, Oh alpa.
Pukawon nako ang banagbanag.+
9 Dayegon ka nako taliwala sa mga katawhan, Oh Jehova;+Mag-awit kog mga pagdayeg* kanimo taliwala sa mga nasod.+
10 Kay ang imong maunongong gugma dako, sama ka taas sa kalangitan,+Ug ang imong pagkamatinumanon, sangko sa langit.
11 Hinaot mabayaw ka ibabaw sa kalangitan, Oh Diyos;Hinaot nga ang imong himaya molabaw sa tibuok yuta.+
