Salmo 142:1-7
Maskil.* Salmo ni David dihang didto siya sa langob.+ Usa ka pag-ampo.
142 Mituaw ko kang Jehova alang sa tabang;+Mihangyo ko kang Jehova alang sa kaluoy.
2 Gibubo nako sa iyang atubangan ang akong kabalaka;Gisugid nako sa iyang atubangan ang akong kasakitan+
3 Dihang naluya ang akong espiritu.*
Dayon gibantayan nimo ang akong dalan.+
Sa alagianan nga akong gilaktan,Sila nagbutang ug bitik alang kanako.
4 Tan-awa ang akong tuong kamot.
Wala gyoy nagtagad* kanako;+Wala koy kakalagiwan;+Walay nabalaka kanako.
5 Nagatuaw ko kanimo, Oh Jehova, alang sa tabang.
Miingon ko: “Ikaw ang akong dangpanan,+Ikaw lang ang akong nabatonan* sa yuta sa mga buhi.”
6 Patalinghogi ang akong pagtuaw alang sa tabang,Kay naluya ko pag-ayo sa kaguol.
Luwasa ko gikan sa akong mga maglulutos,+Kay mas kusgan sila kay kanako.
7 Pagulaa ko gikan sa bilanggoanAron madayeg nako ang imong ngalan.
Hinaot ang mga matarong magtigom sa akong palibotKay maayo ka kanako.
