Salmo 7:1-17
-
Si Jehova matarong nga Maghuhukom
-
“Hukmi ako, Oh Jehova” (8)
-
Ang awit sa pagbangotan ni David nga iyang giawit kang Jehova bahin sa mga pulong ni Cus nga Benjaminhon.
7 Oh Jehova nga akong Diyos, kanimo ako midangop.+
Luwasa ko gikan sa tanang nagalutos kanako.+
2 Kay kon dili, ila kong kuniskunison sama sa ginahimo sa leyon,+Nga magsakmit kanako nga walay bisan kinsa nga moluwas kanako.
3 Oh Jehova nga akong Diyos, kon nakahimo man kog sayop,Kon nakahimo kog dili matarong,
4 Kon gihimoan nakog daotan ang usa nga naghimog maayo kanako,+O kon giagawan nako ang akong kaaway sa wala ray hinungdan,*
5 Nan, tugoti nga gukdon ko ug maapsan sa kaaway;Tugoti siya nga magyatakyatak kanako* sa yutaUg magpahinabo nga ang akong himaya mahanaw diha sa abog. (Selah)
6 Tindog tungod sa imong kasuko, Oh Jehova;Barog batok sa kasuko sa akong mga kaaway,+Bangon ug tabangi ko, ug pagsugo nga ipatuman ang hustisya.+
7 Tugoti nga ang mga nasod mag-alirong kanimo;Ug ikaw molihok batok kanila gikan sa kahitas-an.
8 Si Jehova magpakanaog ug paghukom sa katawhan.+
Hukmi ako, Oh Jehova, sumala sa akong pagkamatarongUg sumala sa akong integridad.+
9 Palihog taposa ang daotang binuhatan sa daotan.
Apan lig-ona ang dalan sa matarong,+Sanglit ikaw ang matarong nga Diyos+ nga nagasusi sa mga kasingkasing+ ug kinailadmang mga pagbati.*+
10 Ang Diyos ang akong taming,+ ang Manluluwas niadtong mga matarong ug kasingkasing.+
11 Ang Diyos maoy matarong nga Maghuhukom,+Ug ang Diyos kanunayng nagpakanaog ug mga paghukom* sa mga daotan.
12 Kon dunay dili maghinulsol,+ bairon Niya ang iyang espada;+Bawogon Niya ang iyang busogan ug andamon kini.+
13 Andamon Niya ang iyang makamatay nga mga hinagiban;Andamon Niya ang iyang nagdilaab nga mga udyong.+
14 Tan-awa ang usa nga nagmabdos ug pagkadaotan;Siya nanamkon ug kasamok ug nanganak ug kabakakan.+
15 Siya nagkalot ug gahong ug gipalalom pa kini,Apan siya mahulog sa mismong lungag nga iyang gihimo.+
16 Ang kasamok nga iyang gipahinabo mobalik batok kaniya;+Ang iyang kapintas mobalik batok kaniya.
17 Dayegon nako si Jehova tungod sa iyang hustisya;+Mag-awit kog mga pagdayeg* sa ngalan ni Jehova+ nga Labing Hataas.+
