Salmo 42:1-11
Ngadto sa direktor. Maskil* sa mga anak ni Kore.+
42 Sama sa osa nga nangandoy sa tubig sa kasapaan,Nangandoy usab ko kanimo, Oh Diyos.
2 Giuhaw ko sa Diyos, sa Diyos nga buhi.+
Kanus-a man ko makaanha sa atubangan sa Diyos aron iyang mamatikdan?+
3 Ang akong mga luha maoy akong pagkaon sa adlaw ug gabii;Tibuok adlaw kong gibiaybiay sa mga tawo: “Asa man ang imong Diyos?”+
4 Nahinumdoman nako kining mga butanga, ug gibubo nako ang akong kalag,*Kay kaniadto naglakaw ko uban sa daghang tawo;Solemne* kong naglakaw kaniadto nga nag-una kanila ngadto sa balay sa Diyos,Uban ang tingog sa pagsadya ug pagpasalamat,Niadtong panon nga nagsaulog ug pista.+
5 Nganong nawad-an man kog paglaom?+
Nganong nabalaka man ko pag-ayo?
Paghulat sa Diyos,+Kay padayon nako siyang dayegon ingong akong Dakong Manluluwas.+
6 Akong Diyos, nawad-an kog paglaom.+
Mao nga nahinumdom ko kanimo,+Gikan sa yuta sa Jordan ug sa mga tayuktok sa Hermon,Gikan sa Bukid sa Mizar.*
7 Ang lawom nga katubigan nagtawag sa lawom nga katubiganSa dinaguok sa imong mga busay.
Natabonan ko sa tanan nimong dagkong balod.+
8 Sa maadlaw, pakitaan ko ni Jehova sa iyang maunongong gugma,Ug sa magabii, ang iyang awit magauban kanako—usa ka pag-ampo ngadto sa Diyos sa akong kinabuhi.+
9 Moingon ko sa Diyos, ang akong dakong bato:
“Nganong gikalimtan ko nimo?+
Nganong maglakawlakaw ko nga masulub-on tungod sa pagdaogdaog sa akong kaaway?”+
10 Gibiaybiay ko sa akong mga kaaway uban ang grabeng pagsupak;*Tibuok adlaw ko nilang gibiaybiay: “Asa man ang imong Diyos?”+
11 Nganong nawad-an man kog paglaom?
Nganong nabalaka man ko pag-ayo?
Paghulat sa Diyos,+Kay padayon nako siyang dayegon ingong akong Dakong Manluluwas ug akong Diyos.+
