Salmo 141:1-10
Salmo ni David.
141 Oh Jehova, ako mituaw kanimo.+
Tabangi dayon ko.+
Patalinghogi ko dihang motuaw ko nimo.+
2 Hinaot ang akong pag-ampo mahisamag insenso+ nga giandam sa imong atubangan,+Ang akong gibayaw nga mga kamot mahisamag halad nga lugas sa kagabhion.+
3 Butangig guwardiya ang akong baba, Oh Jehova,Butangig bantay ang pultahan sa akong mga ngabil.+
4 Ayawg tugoting makiling ang akong kasingkasing sa bisan unsa nga dili maayo,+Sa pagpakigbahin sa daotang binuhatan uban sa mga daotan;Hinaot nga dili ko mokaon sa ilang lamiang mga pagkaon.
5 Kon silotan ko sa matarong, pagpakita kinig maunongong gugma;+Kon badlongon ko niya, sama kinig lana sa akong ulo,+Nga dili gayod dumilian sa akong ulo.+
Iampo gihapon nako siya bisan sa panahon sa iyang katalagman.
6 Bisag ang ilang mga maghuhukom gihulog sa pangpang,Ang katawhan mamati sa akong mga pulong, kay kini maayo.
7 Sama nga ang yuta nakatag dihang kini gidaro ug gibugwal,Ang among mga bukog usab nakatag sa baba sa Lubnganan.*
8 Apan ang akong mga mata nagtan-aw kanimo, Oh Soberanong Ginoong Jehova.+
Kanimo ako midangop.
Ayawg kuhaa ang akong kinabuhi.
9 Panalipdi ko gikan sa bitik nga gibutang nila alang kanako,Gikan sa mga lit-ag sa mga mamumuhat ug daotan.
10 Ang mga daotan matingob pagkahulog sa ila mismong mga pukot+Samtang ako luwas nga molabay niini.
