Salmo 129:1-8
-
Giatake apan wala mapildi
-
Maulawan ang mga nagadumot sa Zion (5)
-
Awit sa Pagtungas.
129 “Sukad pa sa akong pagkabatan-on, kanunay na ko nilang ginaatake”+
—Pasultiha karon ang Israel—
2 “Sukad pa sa akong pagkabatan-on, kanunay na ko nilang ginaatake;+Apan sila wala makadaog kanako.+
3 Gidaro sa mga magdadaro ang akong bukobuko;+Ilang gipataas ang ilang mga tudling.”
4 Apan si Jehova matarong;+Giputol niya ang mga higot sa mga daotan.+
5 Sila maulawan ug mangatras,Ang tanang nagdumot sa Zion.+
6 Sila mahisamag mga balili ibabaw sa mga atop,Nga mangalaya sa dili pa kini pangibton,
7 Nga dili makapuno sa kamot sa mangangani
Bisan sa mga bukton sa nagahipos sa mga binangan.
8 Ang mga mangagi dili moingon:
“Hinaot panalanginan mo ni Jehova;Panalanginan mo namo sa ngalan ni Jehova.”
