Salmo 13:1-6
Ngadto sa direktor. Salmo ni David.
13 Oh Jehova, hangtod kanus-a nga imo kong kalimtan? Hangtod sa hangtod?
Hangtod kanus-a nga tagoan nimo ang imong nawong gikan kanako?+
2 Hangtod kanus-a ko mag-antos,Ug magmagul-anon ang akong kasingkasing adlaw-adlaw?
Hangtod kanus-a magmadaogon ang akong kaaway batok kanako?+
3 Tan-aw kanako ug tubaga ko, Oh Jehova nga akong Diyos.
Hatagig kahayag ang akong mga mata, aron dili ko mahikatulog sa kamatayon,
4 Aron ang akong kaaway dili moingon: “Napildi nako siya!”
Ayawg tugoti nga ang akong mga kaaway magsadya sa akong pagkapukan.+
5 Kon bahin kanako, nagasalig ko sa imong maunongong gugma;+Ang akong kasingkasing magsadya sa imong mga buhat sa pagluwas.+
6 Mag-awit ko kang Jehova, kay siya dagayang nagganti kanako.+
