Salmo 114:1-8
114 Dihang ang Israel, nga panimalay ni Jacob, migula sa Ehipto,+Ang katawhan nga langyawg pinulongan,
2 Ang Juda nahimong Iyang sangtuwaryo,*Ang Israel, Iyang gingharian.+
3 Nakita kini sa dagat ug kini mikalagiw;+Ang Jordan misibog.+
4 Ang kabukiran nagluksolukso samag mga laking karnero,+Ang kabungtoran, samag mga nating karnero.
5 Nganong mikalagiw ka, Oh dagat?+
Nganong misibog ka, Oh Jordan?+
6 Nganong nagluksolukso ka samag mga laking karnero, Oh kabukiran,Samag mga nating karnero, Oh kabungtoran?
7 Pangurog, Oh yuta, tungod sa Ginoo,Tungod sa Diyos ni Jacob.+
8 Gihimo niyang linaw sa tubig nga punog tangbo ang bato,Ug gihimo niyang mga tuboran sa tubig ang gahi kaayo nga bato.*+
