Salmo 108:1-13
Usa ka awit. Salmo ni David.
108 Lig-on ang akong kasingkasing, Oh Diyos.
Moawit ko nga dinuyogag musika sa bug-os nakong katakos.*+
2 Pagmata, Oh dekuwerdas nga instrumento; ikaw usab, Oh alpa.+
Pukawon nako ang banagbanag.
3 Dayegon ka nako taliwala sa mga katawhan, Oh Jehova,Ug mag-awit kog mga pagdayeg* kanimo taliwala sa mga nasod.
4 Kay ang imong maunongong gugma dako, sama ka taas sa kalangitan,+Ug ang imong pagkamatinumanon, sangko sa langit.
5 Hinaot mabayaw ka ibabaw sa kalangitan, Oh Diyos;Hinaot nga ang imong himaya molabaw sa tibuok yuta.+
6 Aron maluwas ang imong mga hinigugma,Luwasa mi pinaagi sa imong tuong kamot ug tubaga ko.+
7 Ang Diyos nagsulti sumala sa iyang pagkabalaan:*
“Magsadya ko, ihatag nako ang Sekem+ ingong panulondon,Ug sukdon nako ang Walog* sa Sucot.+
8 Akoa ang Gilead,+ ingon man ang Manases,Ug ang Epraim mao ang helmet* sa akong ulo;+Ang Juda mao ang sungkod sa akong komandante.+
9 Ang Moab mao ang akong hugasanan.+
Ilabay nako ang akong sandalyas sa Edom.+
Mosinggit ko sa kadaogan didto sa Filistia.”+
10 Kinsay modala kanako ngadto sa pinarilan nga siyudad?
Kinsay motultol kanako hangtod sa Edom?+
11 Dili ba ikaw, Oh Diyos, kinsa nagsalikway kanamo,Ang among Diyos, nga wala na mouban sa among kasundalohan?+
12 Tabangi mi sa among kasakitan,+Kay ang kaluwasan pinaagi sa mga tawo walay kapuslanan.+
13 Pinaagi sa Diyos makabaton mi ug gahom,+Ug iyang yatakyatakan ang among mga kaaway.+
