Salmo 10:1-18
ל [Lamed]
10 Nganong nagtindog ka sa layo, Oh Jehova?
Nganong nagtago ka sa mga panahon sa kasakit?+
2 Tungod sa pagkamapahitas-on, ginagukod sa daotan ang usa nga walay mahimo,+Apan siya mabitik sa kaugalingon niyang mga plano.+
3 Kay ginapanghambog sa daotan ang iyang hakog nga mga tinguha+Ug ginadayeg ang dalo;*נ [Nun]
Wala siyay pagtahod kang Jehova.
4 Tungod sa pagkamapahitas-on, ang daotan dili mag-usisa;Ang iya lang gihunahuna mao: “Walay Diyos.”+
5 Ang iyang mga dalan nagmauswagon,+Apan dili niya masabtan ang imong mga hukom;+Ginabiaybiay* niya ang tanan niyang kaaway.
6 Siya nagaingon sa iyang kasingkasing: “Dili gyod ko matarog;*Kay sa sunodsunod nga kaliwatanDili gyod ko makasinatig katalagman.”+
פ [Pe]
7 Ang iyang baba punog pagtunglo, kabakakan, ug panghulga;+Ang iyang dila nagasultig kasamok ug kadaot.+
8 Siya motago ug mangatang duol sa kabaryohan;Siya mogawas sa iyang tagoanan aron mopatay ug inosente.+
ע [Ayin]
Ang iyang mga mata nagabantay ug makaluluoy nga biktima.+
9 Siya maghulat sa iyang tagoanan samag leyon sa lungib* niini.+
Siya maghulat aron dakpon ang walay mahimo.
Iyang dakpon ang walay mahimo dihang masulod na kini sa iyang pukot.+
10 Ang biktima gidugmok ug napukan;Ang mga makaluluoy mahulog sa iyang mga kamot.*
11 Siya nag-ingon sa iyang kasingkasing: “Ang Diyos nakalimot na.+
Iyang gilingiw ang iyang nawong.
Dili gyod siya magpakabana.”+
ק [Qoph]
12 Tindog, Oh Jehova.+ Bayawa ang imong kamot, Oh Diyos.+
Ayawg kalimti ang mga walay mahimo.+
13 Nganong ang daotan walay pagtahod sa Diyos?
Siya nag-ingon sa iyang kasingkasing: “Dili ko nimo papanubagon.”
ר [Resh]
14 Apan nakita nimo ang kasamok ug kasakitan.
Nagtan-aw ka ug molihok labot niana.+
Kanimo modangop ang makaluluoy nga biktima;+Ikaw ang magtatabang sa bata nga wala nay amahan.*+
ש [Shin]
15 Balia ang bukton sa tawong daotan,+Aron dihang pangitaon nimo ang iyang pagkadaotan,Dili na nimo kini makaplagan.
16 Si Jehova maoy Hari hangtod sa kahangtoran.+
Ang mga nasod nangahanaw sa yuta.+
ת [Taw]
17 Apan patalinghogan nimo ang hangyo sa mga maaghop,* Oh Jehova.+
Palig-onon nimo ang ilang kasingkasing+ ug tagdon sila pag-ayo.+
18 Hatagan nimog hustisya ang mga wala nay amahan ug ang mga dinaogdaog,+Aron ang mga tawo sa yuta dili na makapahadlok kanila.+
