Salmo 102:1-28
Pag-ampo sa dinaogdaog dihang mawad-an siyag paglaom* ug ipahungaw niya kang Jehova ang iyang kabalaka.+
102 Oh Jehova, dungga ang akong pag-ampo;+Hinaot makaabot kanimo ang akong pagtuaw alang sa tabang.+
2 Ayawg itago ang imong nawong gikan kanako panahon sa akong kalisdanan.+
Ikiling ang imong igdulungog* kanako;Palihog tubaga dayon ko dihang motawag ko.+
3 Kay ang akong mga adlaw nagakahanaw samag aso,Ug ang akong mga bukog nagbaga samag hurnohan.+
4 Ang akong kasingkasing gihagbas samag sagbot ug nalaya,+Kay nakalimot kog kaon sa akong pagkaon.
5 Tungod sa akong kusog nga pag-agulo,+Ang akong mga bukog milakra sa akong unod.+
6 Nahisama kog langgam nga pelikano sa kamingawan;Sama kog gamayng ngiwngiw diha sa kagun-oban.
7 Dili ko makatulog;*Nahisama kog langgam nga nag-inusara sa atop.+
8 Tibuok adlaw kong ginatamay sa akong mga kaaway.+
Kadtong mga nagbiaybiay* kanako naggamit sa akong ngalan sa pagtunglo.
9 Kay ang akong tinapay maoy abo,+Ug ang akong ilimnon sinagolag mga luha,+
10 Tungod sa imong kasuko ug kapungot,Kay imo kong gialsa aron lang isalibay.
11 Ang akong mga adlaw nahisamag nagakahanaw* nga landong,+Ug ako nagakalaya samag sagbot.+
12 Apan ikaw magpabilin hangtod sa hangtod, Oh Jehova,+Ug ang imong kabantog* magpadayon sa tanang kaliwatan.+
13 Seguradong motindog ka ug kaluy-an ang Zion,+Kay panahon na nga kaluy-an nimo siya;+Ang gitakdang panahon miabot na.+
14 Kay ang imong mga alagad nalipay sa iyang mga bato+Ug gimahal nila bisan ang iyang abog.+
15 Ang mga nasod mahadlok sa ngalan ni Jehova,Ug ang tanang hari sa yuta sa imong himaya.+
16 Kay tukoron pag-usab ni Jehova ang Zion;+Siya magpakita diha sa iyang himaya.+
17 Hatagan niyag pagtagad ang pag-ampo sa mga kabos;+Dili niya balewalaon ang ilang pag-ampo.+
18 Gisulat kini alang sa umaabot nga kaliwatan,+Aron ang katawhan nga ipakatawo* pa lang modayeg kang Jah.
19 Kay siya nagsud-ong gikan sa iyang balaang dapit sa kahitas-an,+Gikan sa kalangitan si Jehova nagtan-aw sa yuta,
20 Sa pagpatalinghog sa panghupaw sa binilanggo,+Sa pagpahigawas niadtong mga nahukman ug kamatayon,+
21 Aron ang ngalan ni Jehova mapahayag sa Zion+Ug ang iyang kadayeganan sa Jerusalem,
22 Dihang ang mga katawhan ug mga gingharianMagtigom sa pag-alagad kang Jehova.+
23 Sayo ko niyang gikuhaan ug kusog;Gipamubo niya ang akong kinabuhi.
24 Ako miingon: “Oh akong Diyos,Ayawg kuhaa ang akong kinabuhi sa dili pa ko matigulang,Ikaw kansang katuigan maoy hangtod sa tanang kaliwatan.+
25 Sa dugay nang panahon gipahimutang nimo ang mga pundasyon sa yuta,Ug ang kalangitan maoy buhat sa imong mga kamot.+
26 Kini mangahanaw, apan ikaw magpabilin;Samag besti kining tanan madunot.
Samag sapot kini imong ilisan, ug kini mahanaw.
27 Apan ikaw mao ra gihapon, ug ang imong katuigan wala gyoy kataposan.+
28 Ang mga anak sa imong mga alagad magpuyo nga may kasegurohan,Ug ang ilang kaliwat magmalungtaron sa imong atubangan.”+
