Salmo 29:1-11
Salmo ni David.
29 Pasidunggi si Jehova, kamong mga anak sa mga gamhanan,Pasidunggi si Jehova tungod sa iyang himaya ug kusog.+
2 Ihatag kang Jehova ang himaya nga angay sa iyang ngalan.
Yukbo kang* Jehova nga sul-ob ang inyong balaang besti.*
3 Ang tingog ni Jehova nadungog ibabaw sa katubigan;Ang mahimayaong Diyos nagpadalugdog.+
Si Jehova anaa ibabaw sa daghang katubigan.+
4 Ang tingog ni Jehova gamhanan;+Ang tingog ni Jehova halangdon.
5 Ang tingog ni Jehova nagabali sa mga sedro;Oo, si Jehova magdugmok sa mga sedro sa Lebanon.+
6 Paluksoluksohon niya ang Lebanon* samag nating baka,Ug ang Sirion+ samag ihalas nga toreyong baka.
7 Ang tingog ni Jehova mohapak uban ang mga siga sa kalayo;+
8 Ang tingog ni Jehova makapatay-og sa kamingawan;+Si Jehova makapatay-og sa kamingawan sa Kades.+
9 Ang tingog ni Jehova makapakurog ug makapaanak sa osaUg makaupaw sa kalasangan.+
Ug ang tanan sa iyang templo moingon: “Himayaon ang Diyos!”
10 Si Jehova naentrono sa ibabaw sa nagbaha nga katubigan;*+Si Jehova naentrono ingong Hari hangtod sa hangtod.+
11 Hatagan ni Jehova ug kusog ang iyang katawhan.+
Panalanginan ni Jehova ug pakigdait ang iyang katawhan.+
