Salmo 58:1-11
-
Dunay Diyos nga nagahukom sa yuta
-
Pag-ampo nga silotan ang daotan (6-8)
-
Ngadto sa direktor; sa tono sa “Ayawg Laglaga.” Salmo ni David. Miktam.*
58 Makasulti ba mo bahin sa pagkamatarong kon magpakahilom mo?+
Makahukom ba mo sumala sa kon unsay matarong, kamong mga anak sa mga tawo?+
2 Nagplano hinuon mog daotan diha sa inyong kasingkasing,+Ug ang inyong mga kamot nagahimog kapintasan diha sa yuta.+
3 Ang mga daotan nahisalaag sukad sa pagkahimugso;*Sila mga sukihan ug bakakon sukad sa ilang pagkatawo.
4 Ang ilang lala nahisamag lala sa mga halas;+Mga bungol sila sama sa kobra nga daw nagsampong sa igdulungog niini.
5 Kini dili mamati sa tingog sa mga tiglamat,Bisag unsa pa sila ka hanas sa paglamat.
6 Oh Diyos, luboa ang mga ngipon diha sa ilang baba!
Dugmoka ang mga apapangig niini nga mga leyon,* Oh Jehova!
7 Hinaot mangahanaw sila samag katubigan nga nahubas.
Hinaot bawogon Niya ang iyang busogan ug pukanon sila pinaagi sa iyang mga udyong.
8 Hinaot mahisama silag hilahila nga nagakatunaw samtang nagkamang;Sama sa bata nga patay na pagkatawo nga wala gyod makakita sa adlaw.
9 Sa dili pa moinit ang inyong mga kulon tungod sa gisugnod nga sampinit,Samag unos, iyang paliron ang umog ug ang nagsiga nga sangasanga.+
10 Ang matarong magsadya kay iyang nakita ang panimalos;+Ang iyang mga tiil mahumod sa dugo sa daotan.+
11 Unya ang mga tawo moingon: “Duna gayoy ganti alang sa matarong.+
Duna gayoy Diyos nga nagahukom sa yuta.”+
