Salmo 3:1-8
Ang salmo ni David dihang mikalagiw siya gikan kang Absalom nga iyang anak.+
3 Oh Jehova, nganong midaghan man pag-ayo ang akong kaaway?+
Nganong daghan man kaayo ang mibatok kanako?+
2 Daghan ang nagaingon bahin kanako:*
“Dili siya luwason sa Diyos.”+ (Selah)*
3 Apan ikaw, Oh Jehova, maoy usa ka taming nga naglibot kanako,+Ang akong himaya+ ug ang Usa nga nag-isa sa akong ulo.+
4 Tawgon nakog kusog si Jehova,Ug siya motubag kanako gikan sa iyang balaang bukid.+ (Selah)
5 Mohigda ko ug matulog;Ug momata ko nga luwas,Kay si Jehova padayong nagpaluyo kanako.+
6 Dili ko mahadlok sa tinagpulo ka liboNga misulong batok kanako gikan sa tanang kiliran.+
7 Tindog, Oh Jehova! Luwasa ko,+ Oh Diyos ko!
Imong hampakon sa apapangig ang tanan nakong kaaway;Imong pungagon ang mga ngipon sa mga daotan.+
8 Ang kaluwasan iya ni Jehova.+
Ang imong panalangin anaa sa imong katawhan. (Selah)
