Salmo 52:1-9
Ngadto sa direktor. Maskil.* Salmo ni David, dihang si Doeg nga Edomhanon miabot ug giingnan si Saul nga si David miadto sa balay ni Ahimelek.+
52 Nganong ginapanghambog nimo ang imong daotang binuhatan, ikaw nga gamhanan?+
Ang maunongong gugma sa Diyos magpabilin sa tibuok adlaw.+
2 Ang imong dila, nga sama ka hait sa labaha,+Nagaplanog daotan ug nagapanglimbong.+
3 Mas gihigugma nimo ang daotan kay sa maayo,Ang pagpamakak kay sa pagsulti kon unsay matarong. (Selah)
4 Gihigugma nimo ang makadaot nga mga pulong,Oh ikaw dila nga malimbongon!
5 Mao nga ang Diyos magpukan kanimo sa dayon;+Iya kang dagiton ug guyoron palayo sa imong tolda;+Lukahon ka niya gikan sa yuta sa mga buhi.+ (Selah)
6 Ang mga matarong makakita niini ug mahingangha,+Ug kataw-an nila siya.+
7 “Aniay tawo nga wala maghimo sa Diyos ingong dangpanan,*+Apan misalig siya sa iyang daghang bahandi+Ug misalig* sa iyang daotang mga plano.”*
8 Apan mahisama kog labong nga kahoyng olibo sa balay sa Diyos;Mosalig ko sa maunongong gugma sa Diyos+ hangtod sa kahangtoran.
9 Dayegon ka nako hangtod sa hangtod tungod sa imong gihimo;+Sa atubangan sa mga maunongon kanimo,Molaom ko sa imong ngalan,+ kay kini maayo.
