Salmo 66:1-20
Ngadto sa direktor. Usa ka awit. Usa ka salmo.
66 Singgit mo sa kadaogan ngadto sa Diyos, kamong tibuok yuta.+
2 Pag-awit mog mga pagdayeg* sa iyang mahimayaong ngalan.
Himoa nga mahimayaon ang pagdayeg kaniya.+
3 Ingna ang Diyos: “Makapahingangha gayod ang imong mga buhat!+
Tungod sa imong dakong gahom,Ang imong mga kaaway mangurog sa imong atubangan.+
4 Ang tibuok yuta moyukbo kanimo;+Moawit silag mga pagdayeg kanimo;Moawit silag mga pagdayeg sa imong ngalan.”+ (Selah)
5 Dali ug tan-awa ang mga buhat sa Diyos.
Ang iyang mga buhat alang sa mga anak sa mga tawo makapahingangha.+
6 Gipamala niya ang dagat;+Mitabok sila sa suba nga nagbaktas.+
Didto, nagsadya kita diha kaniya.+
7 Siya magmando hangtod sa hangtod+ pinaagi sa iyang kusog.
Ang iyang mga mata kanunayng magbantay sa kanasoran.+
Kadtong mga gahig ulo dili angayng magbayaw sa ilang kaugalingon.+ (Selah)
8 Dayega ang atong Diyos, kamong mga katawhan,+Ug ipadungog ang tingog sa pagdayeg kaniya.
9 Ginatipigan niya kitang buhi;+Dili niya tugotang mapandol* ang atong mga tiil.+
10 Kay imo kaming gisusi, Oh Diyos;+Imo kaming gidalisay sama sa pagdalisay sa plata.
11 Imo kaming gisulod sa pukot sa pangayam;Imo kaming gihatagan* ug makapalup-og nga palas-anon.
12 Gitugotan nimo nga tamaktamakan mi* sa mga tawo;Milabang mi sa kalayo ug sa tubig;
Unya gidala mi nimo sa dapit sa paghupay.
13 Mosulod ko sa imong balay nga magdalag mga tibuok halad nga sinunog;+Tumanon nako ang akong mga panaad kanimo+
14 Nga gisaad sa akong mga ngabil+Ug gisulti sa akong baba dihang anaa ko sa kalisdanan.
15 Maghalad ko kanimog pinatambok nga mga hayop ingong mga halad nga sinunogUban ang gipaaso nga halad nga mga laking karnero.
Maghalad kog mga torong baka uban sa mga laking kanding. (Selah)
16 Dali ug pamati mo, kamong tanan nga nahadlok sa Diyos,Ug sultihan mo nako kon unsay iyang nahimo kanako.+
17 Gitawag nako siya pinaagi sa akong babaUg gihimaya siya pinaagi sa akong dila.
18 Kon naghambin kog makadaot nga butang diha sa akong kasingkasing,Dili unta ko patalinghogan ni Jehova.+
19 Apan ang Diyos nagpatalinghog;+Iyang gihatagag pagtagad ang akong pag-ampo.+
20 Dalayegon ang Diyos, nga wala magsalikway sa akong pag-ampoUg wala maghikaw sa iyang maunongong gugma kanako.
