Salmo 53:1-6
Ngadto sa direktor; sa estilo sa Mahalath.* Maskil.* Salmo ni David.
53 Ang buangbuang* moingon sa iyang kasingkasing:
“Walay Jehova.”+
Ang ilang dili matarong nga binuhatan maoy daotan ug dulumtanan;Walay nagbuhat ug maayo.+
2 Apan gikan sa langit ang Diyos nagsud-ong sa mga anak sa mga tawo,+Sa pagsusi kon duna bay si bisan kinsa nga may lawom nga pagsabot, kon duna bay si bisan kinsa nga nangita kang Jehova.+
3 Silang tanan mitipas;Silang tanan pulos daotan.
Walay nagbuhat ug maayo,Walay bisan usa.+
4 Wala bay usa sa mga mamumuhat ug daotan ang makasabot?
Ilang gilamoy ang akong katawhan nga daw nagkaon lang silag tinapay.
Wala sila motawag kang Jehova.+
5 Apan sila malisang pag-ayo,Kalisang nga wala pa nila sukad mabati;*Kay katagon sa Diyos ang mga bukog niadtong nagaatake kanimo.*
Pakaulawan nimo sila, kay gisalikway sila ni Jehova.
6 Oh maggikan unta sa Zion ang kaluwasan sa Israel!+
Dihang tigomon ug balik ni Jehova ang nabihag niyang katawhan,Maglipay si Jacob, magsadya ang Israel.
