Salmo 132:1-18
Awit sa Pagtungas.
132 Oh Jehova, hinumdomi si DavidUg ang tanan niyang pag-antos;+
2 Kon giunsa niya pagpanumpa kang Jehova,Kon giunsa niya pagpanaad sa Gamhanang Usa ni Jacob:+
3 “Dili ko mosulod sa akong tolda, sa akong balay.+
Dili ko mohigda sa akong higdaanan;
4 Dili nako tugotang matulog ang akong mga mata,O mopiyong ang mga tabontabon sa akong mata
5 Hangtod nga makakaplag kog dapit alang kang Jehova,Usa ka maayong puloy-anan* alang sa Gamhanang Usa ni Jacob.”+
6 Tan-awa! Nadunggan namo ang bahin niini sa Eprata;+Nakaplagan namo kini sa kalasangan.+
7 Mangadto ta sa iyang puloy-anan;*+Mangyukbo ta sa tumbanan sa iyang tiil.+
8 Tindog, Oh Jehova, sa pag-adto sa imong pahulayanan,+Ikaw ug ang Kaban sa imong kusog.+
9 Hinaot ang imong mga saserdote mabestihan sa pagkamatarong,Ug hinaot mosinggit sa kalipay ang mga maunongon kanimo.
10 Alang kang David nga imong alagad,Ayawg isalikway ang* imong dinihogan.*+
11 Si Jehova nanumpa kang David;Dili gayod niya bakwion ang iyang gisulti:
“Usa sa imong mga kaliwat*Ang akong ibutang sa imong trono.+
12 Kon tumanon sa imong mga anak ang akong pakigsaadUg ang mga pahinumdom nga akong itudlo kanila,+Ang ilang mga anak usabMolingkod sa imong trono hangtod sa hangtod.”+
13 Kay gipili ni Jehova ang Zion;+Gitinguha niya kini ingong iyang puloy-anan:+
14 “Kini ang akong pahulayanan hangtod sa hangtod;Dinhi ko mopuyo,+ kay kini ang akong gitinguha.
15 Panalanginan nako kinig dagayang pagkaon;Tagbawon nakog tinapay ang mga kabos niini.+
16 Bestihan nakog kaluwasan ang mga saserdote niini,+Ug ang mga maunongon niini mosinggit sa kalipay.+
17 Didto akong padakoon ang kusog* ni David.
Nag-andam kog lampara alang sa akong dinihogan.+
18 Bestihan nakog kaulawan ang iyang mga kaaway;Apan ang korona* sa iyang ulo molambo.”+
