Salmo 21:1-13
Ngadto sa direktor. Salmo ni David.
21 Oh Jehova, ang hari nagasadya tungod sa imong kusog;+Siya nagasadya pag-ayo tungod sa imong mga buhat sa pagluwas!+
2 Imong gihatag kaniya ang tinguha sa iyang kasingkasing,+Ug wala nimo ihikaw ang hangyo sa iyang mga ngabil. (Selah)
3 Kay gisugat nimo siya uban ang dagayang panalangin;Gibutangan nimo ang iyang ulo ug korona nga dinalisayng* bulawan.+
4 Nangayo siyag kinabuhi kanimo, ug imo kining gihatag kaniya,+Ang taas nga kinabuhi,* hangtod sa kahangtoran.
5 Ang imong mga buhat sa pagluwas naghatag kaniyag dakong himaya.+
Gihatagan nimo siyag dignidad ug kahalangdon.
6 Gipahinabo nimo nga makadawat siyag panalangin hangtod sa hangtod;+Gilipay nimo siya kay ikaw nag-uban kaniya.+
7 Kay ang hari nagasalig kang Jehova;+Tungod sa maunongong gugma sa Labing Hataas, siya dili matarog.*+
8 Makaplagan sa imong kamot ang tanan nimong kaaway;Makaplagan sa imong tuong kamot kadtong nagdumot kanimo.
9 Himoon nimo silang sama sa nagkalayong hudno sa gitakdang panahon nga imo silang susihon.
Tunlon sila ni Jehova tungod sa iyang kasuko, ug lamyon sila sa kalayo.+
10 Ang ilang mga anak* imong laglagon gikan sa yuta,Ug ang ilang kaliwat imong laglagon gikan sa mga anak sa mga tawo.
11 Kay tumong nila nga mobuhat ug daotan kanimo;+Ug nagplano silag mga butang nga dili molampos.+
12 Kay paatrason nimo sila+Pinaagi sa pagpuntirya sa imong busogan* ngadto kanila.*
13 Tindog, Oh Jehova, ug ipakita ang imong kusog.
Kami mag-awit ug mga pagdayeg* sa imong pagkagamhanan.
