Salmo 44:1-26
Ngadto sa direktor. Salmo sa mga anak ni Kore.+ Maskil.*
44 Oh Diyos, nadungog mismo sa among mga igdulungog,Gisaysay kanamo sa among mga katigulangan,+
Ang mga buhat nga imong nalampos sa ilang mga adlaw,Sa mga adlaw nga dugay na kanhi.
2 Pinaagi sa imong kamot giabog nimo ang mga nasod+Ug gipapuyo nimo didto ang among mga katigulangan.+
Gipukan nimo ang mga nasod ug giabog sila.+
3 Dili pinaagi sa ilang espada nga napanag-iya nila ang yuta,+Ug dili pinaagi sa ilang bukton nga sila nagmadaogon.+
Kondili pinaagi kini sa imong tuong kamot ug sa imong bukton+ ug sa kahayag sa imong nawong,Kay ikaw may kalipay kanila.+
4 Ikaw ang akong Hari, Oh Diyos;+Imando* ang bug-os nga kadaogan* alang kang Jacob.
5 Pinaagi sa imong gahom paatrason namo ang among mga kaaway;+Sa imong ngalan yatakyatakan namo kadtong mga mobatok kanamo.+
6 Kay wala ko mosalig sa akong pana,Ug ang akong espada dili makaluwas kanako.+
7 Ikaw ang nagluwas kanamo gikan sa among mga kaaway,+Gipakaulawan nimo kadtong mga nagdumot kanamo.
8 Oh Diyos, tibuok adlaw ka namong dayegon,Ug pasalamatan namo ang imong ngalan hangtod sa hangtod. (Selah)
9 Apan karon gisalikway mi nimo ug gipakaulawan,Ug wala ka mouban sa among kasundalohan.
10 Kanunay mi nimong gipaatras gikan sa among kaaway;+Gikuha sa mga nagdumot kanamo ang bisan unsa nga ilang gusto.
11 Gitugyan mi nimo aron tukbon samag mga karnero;Gipatibulaag mi nimo ngadto sa kanasoran.+
12 Gibaligya nimo ang imong katawhan sa ubos kaayo nga kantidad;+Wala ka nagpaganansiya sa imong pagbaligya.
13 Gipahinabo nimo nga pakaulawan mi sa among mga silinganUg biaybiayon ug yagayagaan sa tanang anaa sa among palibot.
14 Gihimo mi nimong talamayon* taliwala sa mga nasod,+Ug ang mga tawo maglingolingo sa pagyubit kanamo.
15 Tibuok adlaw kong mibatig kaulaw,Ug wala na koy nawong nga ikaatubang,
16 Tungod sa ilang mga pagbiaybiay ug pagpanginsulto,Tungod sa among kaaway nga nagapanimalos.
17 Kining tanan midangat kanamo, apan wala ka namo kalimti,Ug wala namo lapasa ang imong pakigsaad.+
18 Ang among kasingkasing wala motalikod kanimo;Ang among mga lakang wala motipas gikan sa imong alagianan.
19 Apan gidugmok mi nimo diha sa gipuy-an sa mga irong ihalas;Ug gitabonan mi nimog tumang kangitngit.
20 Kon nakalimtan namo ang ngalan sa among DiyosO kon gibayaw namo ang among mga kamot aron moampo sa langyawng diyos,
21 Dili ba kini mahibaloan sa Diyos?
Nasayod siya sa mga natago sa kasingkasing.+
22 Tungod kanimo ginapatay mi adlaw-adlaw;Giisip mi ingong mga karnero nga ihawonon.+
23 Bangon. Nganong natulog ra man ka, Oh Jehova?+
Mata na! Ayaw mig isalikway hangtod sa hangtod.+
24 Nganong gitagoan nimo ang imong nawong?
Nganong gikalimtan nimo ang among kasakitan ug ang pagdaogdaog kanamo?
25 Kay kami gilup-og diha sa abog;Ang among lawas giduot diha sa yuta.+
26 Tindog ingong among magtatabang!+
Luwasa* mi tungod sa imong maunongong gugma.+
