Salmo 143:1-12
Salmo ni David.
143 Oh Jehova, dungga ang akong pag-ampo;+Pamatia ang akong hangyo alang sa tabang.
Tubaga ko sumala sa imong pagkamatinumanon ug pagkamatarong.
2 Ayawg dad-a sa hukmanan ang imong alagad,Kay walay bisan kinsa nga mahimong matarong sa imong atubangan.+
3 Kay gigukod ko sa kaaway;Ang akong kinabuhi gidugmok niya sa yuta.
Iyang gipahinabo nga mopuyo ko sa kangitngitan sama niadtong dugay nang nangamatay.
4 Ang akong espiritu* nagkaluya;+Ang akong kasingkasing naminhod.+
5 Gihinumdoman nako ang kanhing mga adlaw;Gipamalandong nako ang tanan nimong kalihokan;+Gihunahuna* nako pag-ayo ang mga buhat sa imong mga kamot.
6 Gibayaw nako ang akong mga kamot kanimo;Sama kog umaw nga yuta nga giuhaw kanimo.+ (Selah)
7 Tubaga dayon ko, Oh Jehova;+Nahurot na ang akong kusog.*+
Ayawg itago kanako ang imong nawong,+Aron dili ko mahisama niadtong nanganaog sa gahong.*+
8 Sa buntag ipadungog kanako ang imong maunongong gugma,Kay ako misalig kanimo.
Ipahibalo kanako ang dalan nga akong pagalaktan,+Kay gihatag nako ang akong kinabuhi kanimo.
9 Luwasa ko gikan sa akong mga kaaway, Oh Jehova.
Ako midangop kanimo.+
10 Tudloi ko sa pagbuhat sa imong kabubut-on,+Kay ikaw ang akong Diyos.
Ang imong espiritu maayo;Hinaot tultolan ko niini sa patag nga yuta.*
11 Tungod sa imong ngalan, Oh Jehova, tipigi kong buhi.
Sa imong pagkamatarong, luwasa ko gikan sa kasakitan.+
12 Sa imong maunongong gugma, patya* ang akong mga kaaway;+Laglaga ang tanang naglutos kanako,+Kay ako imong alagad.+
