Salmo 107:1-43
107 Magpasalamat kamo kang Jehova, kay siya maayo;+Ang iyang maunongong gugma molungtad hangtod sa hangtod.+
2 Hinaot isulti kini niadtong mga gibawi* ni Jehova,Kadtong gibawi niya gikan sa kamot* sa kaaway,+
3 Kinsa iyang gitigom gikan sa kayutaan,+Gikan sa sidlakan ug gikan sa kasadpan,*Gikan sa amihanan ug gikan sa habagatan.+
4 Sila naglatagaw sa kamingawan, sa desyerto;Wala sila makakaplag ug dalan paingon sa siyudad nga ilang kapuy-an.
5 Sila gigutom ug giuhaw;Kakuyapon sila sa kakapoy.
6 Padayon silang mituaw kang Jehova sa ilang kasakitan;+Giluwas niya sila gikan sa ilang kalisdanan.+
7 Gipasubay niya sila sa hustong dalan+Aron makaadto sila sa siyudad nga ilang kapuy-an.+
8 Hinaot magpasalamat kang Jehova+ ang katawhan tungod sa iyang maunongong gugmaUg sa iyang katingalahang mga buhat alang sa mga anak sa mga tawo.+
9 Kay gitagbaw niya ang giuhawUg gibusog ug maayong mga butang ang gigutom.+
10 Ang uban nagpuyo sa hilabihang kangitngit,Mga binilanggo sa kasakitan ug sa mga puthaw.
11 Kay misupak sila sa pulong sa Diyos;Wala nila tahora ang tambag sa Labing Hataas.+
12 Busa gipaubos niya ang ilang kasingkasing pinaagi sa kalisdanan;+Sila nangapandol, ug walay usa nga mitabang kanila.
13 Mitawag sila kang Jehova alang sa tabang sa ilang kasakitan;Giluwas niya sila gikan sa ilang kalisdanan.
14 Gipagawas niya sila gikan sa hilabihang kangitngit,Ug gibugto niya ang ilang mga kadena.+
15 Hinaot magpasalamat kang Jehova ang katawhan tungod sa iyang maunongong gugma+Ug sa iyang katingalahang mga buhat alang sa mga anak sa mga tawo.
16 Kay iyang giguba ang tumbaga nga mga pultahanUg giputol ang puthaw nga mga trangka.+
17 Sila mga buangbuang ug nag-antos sa kasakitan+Tungod sa ilang mga kalapasan ug kasaypanan.+
18 Nawad-an silag gana sa tanang pagkaon;Sila miduol sa mga ganghaan sa kamatayon.
19 Mitawag sila kang Jehova alang sa tabang sa ilang kasakitan;Giluwas niya sila gikan sa ilang kalisdanan.
20 Gipadala niya ang iyang pulong ug giayo sila+Ug giluwas sila gikan sa mga gahong diin sila nahulog.
21 Hinaot magpasalamat kang Jehova ang katawhan tungod sa iyang maunongong gugmaUg sa iyang katingalahang mga buhat alang sa mga anak sa mga tawo.
22 Hinaot itanyag nila ang mga halad sa pagpasalamat+Ug ipahayag ang iyang mga buhat uban ang hugyaw sa kalipay.
23 Kadtong mga nagpanaw sa dagat sakay sa mga barko,Nga nagnegosyo diha sa dagkong katubigan,+
24 Nakakita sila sa mga buhat ni JehovaUg sa iyang katingalahang mga buhat sa kahiladman;+
25 Kon sa unsang paagi mitungha ang unos pinaagi sa iyang pulong,+Nga nagpadako sa mga balod sa dagat.
26 Sila misaka sa langit;Sila nanaog sa mga kahiladman.
Ang ilang kaisog nagkawala tungod sa nagsingabot nga katalagman.
27 Sila nagsusapinday ug nagbaragbarag samag hubog,Ug ang tanan nilang kahanas nahimong walay pulos.+
28 Unya sila mituaw kang Jehova sa ilang kasakitan,+Ug giluwas niya sila gikan sa ilang kalisdanan.
29 Iyang gipalurang ang unos;Ang mga balod sa dagat milinaw.+
30 Sila nalipay dihang kini milinaw,Ug gidala niya sila sa ilang gusto nga dunggoanan.
31 Hinaot magpasalamat kang Jehova ang katawhan tungod sa iyang maunongong gugmaUg sa iyang katingalahang mga buhat alang sa mga anak sa mga tawo.+
32 Hinaot bayawon nila siya diha sa kongregasyon sa katawhan,+Ug hinaot dayegon nila siya diha sa katigoman* sa tigulang nga mga lalaki.
33 Ang mga suba himoon niyang desyertoUg ang mga tubod sa tubig himoon niyang umaw nga yuta,+
34 Ug ang mabungahong yuta himoon niyang asinon ug umaw nga yuta,+Tungod sa pagkadaotan sa mga nagpuyo niini.
35 Ang desyerto himoon niyang mga linaw sa tubig nga punog tangbo,Ug ang uga nga yuta himoon niyang mga tubod sa tubig.+
36 Ipahinabo niya nga magpuyo didto ang mga gigutom,+Aron makatukod silag siyudad nga kapuy-an.+
37 Magpugas silag mga binhi ug magtanom ug mga punoan sa ubas+Nga dagayang mamunga.+
38 Panalanginan niya sila ug sila modaghan pag-ayo;Dili niya itugot nga modiyutay ang ilang kahayopan.+
39 Apan sila midiyutay ug naulawan pag-usabTungod sa pagdaogdaog, katalagman, ug kagul-anan.
40 Iyang gibuboan ug pagtamay ang mga halangdonUg gipalatagaw sila sa kamingawan nga walay dalan.+
41 Apan iyang gipanalipdan* ang mga kabos gikan sa pagdaogdaog+Ug gipadaghan ang ilang banay sama sa panon sa kahayopan.
42 Ang matarong makakita niini ug magsadya;+Apan ang tanang dili matarong magtak-om sa ilang baba.+
43 Bisan kinsa nga maalamon maghatag ug pagtagad niining mga butanga+Ug iyang susihon pag-ayo ang mga buhat sa maunongong gugma ni Jehova.+
