Salmo 130:1-8
Awit sa Pagtungas.
130 Gikan sa mga kahiladman nagtuaw ko kanimo, Oh Jehova.+
2 Oh Jehova, patalinghogi ang akong tingog.
Hinaot paminawon nimo ang akong mga hangyo alang sa tabang.
3 Kon mga kasaypanan pa ang imong gibantayan, Oh Jah,*Nan kinsa man, Oh Jehova, ang makabarog?+
4 Kay ikaw tinuod gayod nga nagapasaylo,+Aron ang mga tawo magpakitag halawom nga pagtahod kanimo.*+
5 Naglaom ko kang Jehova, ang tibuok nakong pagkatawo naglaom kaniya;Naghulat ko sa iyang pulong.
6 Mahinamon kong naghulat kang Jehova,+Labaw pa sa mga tigbantay nga nagpaabot sa kabuntagon,+Oo, labaw pa sa mga tigbantay nga nagpaabot sa kabuntagon.
7 Padayon untang maghulat ang Israel kang Jehova,Kay si Jehova maunongon sa iyang gugma,+Ug duna siyay dakong gahom sa pagtubos.
8 Tubson niya ang Israel gikan sa tanan nilang kasaypanan.
