Salmo 121:1-8
Awit sa Pagtungas.
121 Iyahat nako ang akong mga mata sa kabukiran.+
Asa man maggikan ang akong tabang?
2 Ang akong tabang maggikan kang Jehova,+Ang Magbubuhat sa langit ug yuta.
3 Dili gyod niya itugot nga madakin-as* ang imong tiil.+
Ang Usa nga nagbantay nimo dili gyod magduka.
4 Tan-awa! Dili gyod siya magduka o matulog,Ang Usa nga nagbantay sa Israel.+
5 Si Jehova nagbantay kanimo.
Si Jehova ang landong+ sa imong tuong kamot.+
6 Walay kalamidad nga modangat kanimo sa maadlaw,+Dili usab kini modangat kanimo sa magabii.*+
7 Bantayan ka ni Jehova batok sa tanang kadaot.+
Bantayan niya ang imong kinabuhi.+
8 Bantayan ka ni Jehova sa tanan nimong buhaton*Sukad karon ug hangtod sa hangtod.
