Salmo 80:1-19
Ngadto sa direktor; sa tono sa “Ang mga Lirio.” Usa ka pahinumdom. Salmo ni Asap.+
80 Patalinghog, Oh Magbalantay sa Israel,Ikaw nga nagagiya kang Jose sama sa panon sa mga karnero.+
Ikaw nga naglingkod sa trono ibabaw* sa mga kerubin,+Ipasidlak ang imong kahayag.*
2 Sa atubangan ni Epraim ug ni Benjamin ug ni Manases,Ipakita ang imong pagkagamhanan;+Dali ug luwasa mi.+
3 Oh Diyos, ipasig-uli mi;+Pasidlaka ang imong nawong kanamo, aron maluwas mi.+
4 Oh Jehova nga Diyos sa mga panon, hangtod kanus-a magsilaob ang imong kasuko ug isalikway nimo ang pag-ampo sa imong katawhan?+
5 Gipakaon nimo silag mga luha ingong tinapay,Ug gipainom nimo silag daghan kaayong luha.
6 Gitugotan nimo nga makig-away kanamo ang among mga silingan;Kanunay ming giyagayagaan sa among mga kaaway kon kanus-a nila gusto.+
7 Oh Diyos sa mga panon, ipasig-uli mi;Pasidlaka ang imong nawong kanamo, aron maluwas mi.+
8 Ang imong katawhan, nga samag punoan sa ubas,+ gikuha nimo gikan sa Ehipto,Giabog nimo ang mga nasod ug gitanom kini.+
9 Naghawan kag luna alang niini,Ug kini migamot ug milukop sa yuta.+
10 Ang kabukiran gitabonan sa landong niini,Ug ang mga sedro sa Diyos gitabonan sa mga sanga niini.
11 Ang mga sanga niini nakaabot hangtod sa dagat,Ug ang mga salingsing niini ngadto sa Suba.*+
12 Nganong gilumpag nimo ang mga paril nga bato sa ubasan,+Nga tungod niana ang tanang nanglabay namupo sa bunga niini?+
13 Gipang-ungad kini sa mga baboyng ihalas sa lasang,Ug gipangaon kini sa ihalas nga mga mananap sa kapatagan.+
14 Oh Diyos sa mga panon, balik palihog.
Dungaw gikan sa langit ug tan-awa!
Atimana kini nga punoan sa ubas,+
15 Ang punoan nga gitanom sa imong tuong kamot,+Ug tan-awa ang anak* nga imong gipalig-on alang sa imong kaugalingon.+
16 Giputol kini ug gisunog.+
Nahanaw kini tungod sa imong pagbadlong.*
17 Hinaot tabangan nimo ang tawo nga anaa sa imong tuong kamot,Ang anak sa tawo nga imong gipalig-on alang sa imong kaugalingon.+
18 Unya dili mi motalikod kanimo.
Tipigi ming buhi, aron makatawag mi sa imong ngalan.
19 Oh Jehova nga Diyos sa mga panon, ipasig-uli mi;Pasidlaka ang imong nawong kanamo, aron maluwas mi.+
