Salmo 137:1-9
137 Nanglingkod mi sa daplin sa mga suba sa Babilonya.+
Nanghilak mi dihang nahinumdom sa Zion.+
2 Sa mga kahoyng alamo sa iyang* taliwalaGibitay namo ang among mga alpa.+
3 Kay didto gisugo mi sa mga nagbihag kanamo sa pag-awit,+Ug gusto sa mga nagyagayaga namo nga lingawon namo sila:
“Awiti mi ug usa sa mga awit sa Zion.”
4 Unsaon man namo pag-awit sa awit ni JehovaSa langyaw nga yuta?
5 Kon kalimtan ka nako, Oh Jerusalem,Magmalimtanon* unta ang akong tuong kamot.+
6 Mopilit unta sa akong alingagngag ang akong dilaKon dili ka nako hinumdoman,Kon dili nako himoon ang Jerusalem nga labawSa tanang hinungdan sa akong pagsadya.+
7 Hinumdomi, Oh Jehova,Ang gisulti sa mga Edomhanon sa adlaw nga napukan ang Jerusalem:
“Lumpaga kini! Lumpaga kini hangtod sa pundasyon!”+
8 Oh anak nga babaye sa Babilonya, nga hapit nang laglagon,+Malipayon ang usa nga magbalos kanimoSa imo mismong gibuhat kanamo.+
9 Malipayon ang usa nga magbihag sa imong mga anakUg maglambos kanila diha sa bato.+
