Salmo 33:1-22
33 Paghugyaw nga malipayon, kamong mga matarong, tungod kang Jehova.+
Angay siyang dayegon sa mga matarong.
2 Pagpasalamat mo kang Jehova uban ang alpa;Pag-awit mo ug mga pagdayeg kaniya* uban sa instrumento nga may 10 ka kuwerdas.
3 Pag-awit mo kaniyag usa ka bag-ong awit;+Ayohag tugtog ang dekuwerdas nga instrumento, uban ang mga hugyaw sa kalipay.
4 Kay ang pulong ni Jehova matarong,+Ug ang tanan niyang ginabuhat kasaligan.
5 Gihigugma niya ang pagkamatarong ug hustisya.+
Ang yuta napuno sa maunongong gugma ni Jehova.+
6 Pinaagi sa pulong ni Jehova nabuhat ang kalangitan,+Ug pinaagi sa espiritu* sa iyang baba nabuhat ang tanang butang nga anaa* niana.
7 Ginatigom niya ang katubigan sa dagat nga samag dam;+Ginabutang niya sa mga balay-tipiganan ang nagbul-og nga katubigan.
8 Hinaot mahadlok kang Jehova ang tibuok yuta.+
Hinaot tahoron siya pag-ayo sa tanang molupyo sa mabungahong yuta.
9 Kay siya misulti, ug kini mitungha;+Siya nagsugo, ug kini milungtad.+
10 Gipakyas ni Jehova ang mga laraw* sa mga nasod;+Gipugngan niya ang mga plano* sa mga katawhan.+
11 Apan ang mga desisyon* ni Jehova molungtad hangtod sa hangtod;+Ang mga tinguha sa iyang kasingkasing magpabilin sa sunodsunod nga kaliwatan.
12 Malipayon ang nasod kansang Diyos mao si Jehova,+Ang katawhan nga iyang gipili ingong iyang katigayonan.+
13 Si Jehova nagtan-aw gikan sa kalangitan;Nakita niya ang tanang anak sa mga tawo.+
14 Gikan sa iyang puy-anan,Siya nagsud-ong sa mga molupyo sa yuta.
15 Siya ang nag-umol sa kasingkasing sa tanan;Ginasusi niya ang tanan nilang binuhatan.+
16 Walay hari nga maluwas pinaagi sa daghang kasundalohan;+Ang tawong gamhanan dili maluwas pinaagi sa iyang dakong gahom.+
17 Ang kabayo dili tinuod nga paglaom sa kaluwasan;*+Ang dakong kusog niini dili makagarantiyag kaikyasan.
18 Tan-awa! Ang mata ni Jehova nagtan-aw niadtong mga nahadlok kaniya,+Niadtong naghulat sa iyang maunongong gugma,
19 Sa pagluwas kanila gikan sa kamatayonUg sa pagtipig kanilang buhi panahon sa gutom.+
20 Kami nagpaabot kang Jehova.
Siya ang among magtatabang ug among taming.+
21 Ang among kasingkasing nagsadya kaniya,Kay kami nagasalig sa iyang balaang ngalan.+
22 Hinaot ang imong maunongong gugma maanaa kanamo, Oh Jehova,+Samtang kami padayong naghulat kanimo.+
