Memoryal sa Kamatayon ni Jesus
Huwebes, Abril 2, 2026
Kausa sa usa ka tuig, handomon sa mga Saksi ni Jehova ang kamatayon ni Jesus agig pagsunod sa iyang sugo: “Ipadayon ninyo ang pagbuhat niini sa paghandom kanako.”—Lucas 22:19.
Giimbitar ka namo ug ang imong pamilya niini nga panagkatigom.
Komon nga mga Pangutana
Kinsay puwedeng motambong?
Ang tanan puwedeng motambong. Puwede pod nimong imbitahon ang imong higala ug pamilya.
Unsa ka dugay ang programa?
Mga usa ka oras.
Asa ni himoon?
Kontaka ang mga Saksi ni Jehova sa dugang detalye.
Naa bay bayad o naa ba kay obligasyon kon motambong ka?
Wala.
Naa bay pagpangolekta nga himoon?
Wala. Wala gyod mi gapangolekta sa among mga tigom.—Mateo 10:8.
Naa bay instruksiyon kon unsay isul-ob?
Wala. Pero ang mga Saksi ni Jehova naningkamot nga magsul-ob ug desenteng sinina nga nagpakitag pagtahod niini nga okasyon.
Unsay himoon panahon sa Memoryal?
Sa sugod ug sa hapit nang mahuman ang tigom, ang mga nanambong manganta ug ang usa ka ministro sa mga Saksi ni Jehova mag-ampo. Apil sa programa ang usa ka pakigpulong bahin sa kaimportante sa kamatayon ni Jesus ug kon sa unsang paagi makabenepisyo ta sa gihimo sa Diyos ug sa Kristo para nato.
Para sa dugang impormasyon, tan-awa ang artikulong “Nganong Lahig Paagi ang mga Saksi ni Jehova sa Pagsaulog sa Panihapon sa Ginoo Kay sa Ubang Relihiyon?”
Kanus-a ang umaabot nga mga pagsaulog sa Memoryal?
2026: Huwebes, Abril 2
2027: Lunes, Marso 22
Basin Ganahan Pod Ka
MEMORYAL
Paghinumdom sa Kamatayon ni Jesus
Malipay ming imbitahon ka niining importante kaayong okasyon. Imong makat-onan kon sa unsang paagi makabenepisyo ka sa kinabuhi ug kamatayon ni Jesus.
IMPORTANTENG GITUDLO SA BIBLIYA
Nganong Namatay si Jesus?
Gipasiugda sa Bibliya ang kahinungdanon sa kamatayon ni Jesus. Duna bay katuyoan ang iyang kamatayon?
UBANG TOPIKO
Makabenepisyo Ka sa Sakripisyo ni Jesus
Unsa ang duha ka importanteng butang nga gitudlo ni Jesus kanato aron makabenepisyo ta sa iyang kamatayon?
BAHIN KANAMO
Tambong ug Tigom
Sayra ang bahin sa among mga tigom. Pangitag tigomanan nga duol sa inyo.