Salmi 62:1-12
Lid-direttur taʼ Ġedutun.* Melodija taʼ David.
62 Ruħi tistenna fis-skiet lil Alla.+Mingħandu ġejja s-salvazzjoni tiegħi.+
2 Iva, hu l-blata u s-salvazzjoni tiegħi, il-post fl-għoli tiegħi taʼ sigurtà;+M’iniex se nogħtor għalkollox.+
3 Kemm se ddumu tipprovaw toqtlu lil dak li tobogħdu?+Ilkoll kemm intom bħal ħajt immejjel, ħajt tal-ġebel li qed jiżżaqqaq.+
4 Huma jagħtu pariri li jħajru lil dak li jkun u mbagħad iwaqqgħulu d-dinjità tiegħu;+Dawn jieħdu gost b’gidba.+B’fommhom ibierku, imma fihom infushom jgħidu affarijiet ħżiena.+ Sela.
5 Iva, stenna lil Alla fis-skiet, O ruħi,+Għax minnu ġejja t-tama tiegħi.+
6 Iva, hu l-blata u s-salvazzjoni tiegħi, il-post fl-għoli tiegħi taʼ sigurtà;+M’iniex se nogħtor.+
7 Fuq Alla nistrieħ għas-salvazzjoni u l-glorja tiegħi.+Il-blata b’saħħitha tiegħi, il-kenn tiegħi f’Alla.+
8 Afda fih dejjem, O poplu.+Ferrgħu qalbkom quddiemu.+Alla hu kenn għalina.+ Sela.
9 Iva, ulied il-bniedem huma bħal nifs,+Ulied il-bnedmin huma gidba.+Meta jitqiegħdu fil-miżien, kollha flimkien huma eħfef minn nifs.+
10 Tafdawx fil-frodi,+U tkunux fiergħa u tafdaw fis-serq.+Jekk il-mezzi t’għajxien tagħkom jiżdidulkom, torbtux qalbkom magħhom.+
11 Darba tkellem Alla, u darbtejn smajtu dan,+Li l-qawwa hi t’Alla.+
12 U tiegħek ukoll hi l-qalb tajba bl-imħabba, O Ġeħova,+Għax int tħallas lura lil kull wieħed skond għemilu.+
Noti taʼ taħt
^ Ara Sa 39:Sopr, in-nota taʼ taħt.
