Salmi 85:1-13
Għad-direttur. Taʼ wlied Koraħ. Melodija.
85 Int ħadt gost, O Ġeħova, bl-art tiegħek;+Ġibt lura lil ulied Ġakobb li ttieħdu fil-jasar.+
2 Ħfirt l-iżball tal-poplu tiegħek;+Għattejt id-dnub kollu tagħhom.+ Sela.
3 Int ikkontrollajt il-qilla kollha tiegħek;+Erġajt lura mis-saħna tar-rabja tiegħek.+
4 Iġborna lura, O Alla tas-salvazzjoni tagħna,+U tibqax irrabjat għalina.+
5 Se tibqaʼ mgħaddab magħna għal dejjem?+Se tibqaʼ r-rabja tiegħek minn ġenerazzjoni għal ġenerazzjoni?+
6 M’intix se terġaʼ tagħtina l-ħajja,+Sabiex il-poplu tiegħek ikun jistaʼ jifraħ minħabba fik?+
7 Urina, O Ġeħova, il-qalb tajba bl-imħabba tiegħek,+U agħtina s-salvazzjoni tiegħek.+
8 Jien se nismaʼ dak li se jgħid l-Alla l-veru Ġeħova,+Għax hu se jitkellem dwar il-paċi man-nies tiegħu+ u maʼ dawk leali lejh,Imma ħa ma jerġgħux jibdew jafdaw fihom infushom.+
9 Żgur li s-salvazzjoni tiegħu hi fil-qrib għal dawk li jibżgħu minnu,+Biex il-glorja tgħammar f’artna.+
10 Il-qalb tajba bl-imħabba u l-verità, dawn iltaqgħu flimkien;+Is-sewwa u l-paċi—biesu lil xulxin.+
11 Il-verità se tinbet mill-art,+U s-sewwa se jħares ’l isfel mis-smewwiet.+
12 Ukoll, Ġeħova, min-naħa tiegħu, se jagħti dak li hu tajjeb,+U artna se trodd l-uċuħ tagħha.+
13 Il-ġustizzja se timxi quddiemu,+U tagħmel triq wara l-passi tiegħu.+
