Salmi 5:1-12
Lid-direttur, għal Neħilot.* Melodija taʼ David.
5 Ismaʼ kliemi,+ O Ġeħova;Ifhem it-tnehid tiegħi.
2 Agħti kas l-għajat tiegħi għall-għajnuna,+O Sultan+ u Alla tiegħi, għax lilek nitlob jien.+
3 O Ġeħova, fil-għodu int tismaʼ leħni;+Fil-għodu nkellmek u nistenna.+
4 Għax int m’intix Alla li titgħaxxaq bil-ħażen;+Ħadd ħażin ma jistaʼ jgħammar miegħek għal xi żmien.+
5 L-ebda faħħari ma jistaʼ jieqaf quddiem għajnejk.+Int tobgħod lil kulmin jipprattika l-ħsara;+
6 Int se teqred lil dawk li jigdbu.+Bniedem li jxerred id-demm+ u jqarraq,+ Ġeħova jistmerru.
7 Min-naħa tiegħi, minħabba l-qalb tajba bl-imħabba kbira+ li għandekNidħol f’darek,+Immil lejn it-tempju qaddis tiegħek għax għandi l-biżaʼ tiegħek.+
8 O Ġeħova, mexxini fis-sewwa tiegħek+ għax jien imdawwar bl-għedewwa;+Għinni nimxi fi triqtek mingħajr ma nitfixkel.+
9 Għax f’fommhom m’hemm xejn taʼ min jafdah;+Il-ġewwieni tagħhom huwa sors t’għawġ.+Gerżumithom qabar miftuħ;+Ilsien melliesi jużaw.+
10 Alla żgur iqishom ħatjin;+Il-pjanijiet tagħhom stess se jirrovinawhom.+Talli kisru l-liġi kemm felħu ħa jispiċċaw fix-xejn,+Għax irribellaw kontrik.+
11 Imma dawk kollha li jistkennu fik se jifirħu;+Għal dejjem* jgħajtu bil-ferħ.+Ma tħallix lil min imisshom,U dawk li jħobbu lil ismek se jithennew.+
12 Għax int tbierek lil kulmin hu ġust,+ O Ġeħova;Bħal b’tarka kbira,+ int tgħattih bl-approvazzjoni tiegħek.+
Noti taʼ taħt
^ Espressjoni Ebrajka li t-tifsira tagħha mhix ċerta. Tistaʼ tkun l-isem taʼ strument mużikali tan-nifs jew titlu taʼ melodija.
