Salmi 90:1-17
Talba taʼ Mosè, il-bniedem taʼ l-Alla l-veru.+
90 O Ġeħova, int kont għalina post fejn ngħammru+Minn ġenerazzjoni għal ġenerazzjoni.+
2 Qabel ma twieldu l-muntanji,+Jew ġibt l-art,+ kif ukoll l-art produttiva, bħallikieku bl-uġigħ tal-ħlas+Iva, minn dejjem għal dejjem* int Alla.+
3 Lill-bniedem mortali int treġġgħu lejn it-trab,+U tgħid: “Erġgħu lura, O wlied il-bnedmin.”+
4 Għax elf sena huma f’għajnejk bħal jum tal-bieraħ meta jgħaddi,+U bħal għassa* matul il-lejl.+
5 Int knisthom ’l hemm;+ huma saru bħal sempliċi raqda.+Fil-għodu jkunu bħal ħaxix aħdar li jinbet.+
6 Fil-għodu joħroġ l-inwar u jinbet;+Sa fil-għaxija jidbiel u jinxef.+
7 Għax aħna ntemmejna bir-rabja tiegħek,+U bil-korla tiegħek tħawwadna.+
8 Int qegħedt l-iżbalji tagħna eżatt quddiemek,+L-atti moħbijin tagħna fid-dija taʼ wiċċek.+
9 Għax jiemna kollha resqu lejn tmiemhom bir-rabja qalila tiegħek;+Is-snin tagħna ntemmew malajr bħal tnehida.+
10 B’kollox jiemna huma sebgħin sena;+U jekk minħabba xi setgħa speċjali jkunu tmenin,+Xorta jinsistu li jġibu l-inkwiet u l-uġigħ;+U dawn jgħaddu malajr, u aħna ntiru magħhom.+
11 Min jaf is-saħħa tar-rabja tiegħek+U l-qilla tiegħek li hi kbira daqs il-biżaʼ li jistħoqqlok?+
12 Urina kif għandna ngħoddu jiemna b’tali mod+Li nkunu nistgħu niksbu qalb għarfa.+
13 Ejja lura, O Ġeħova!+ Kemm se ddum?+U ħa jiddispjaċik għall-qaddejja tiegħek.+
14 Issodisfana fil-għodu bil-qalb tajba bl-imħabba tiegħek,+Sabiex ngħajtu bil-ferħ u nithennew matul jiemna kollha.+
15 Ferraħna daqskemm tajtna jiem taʼ sofferenza,+Snin taʼ gwaj.+
16 Ħa jaraw l-attività tiegħek dawk li jaqduk+U l-glorja tiegħek fuq uliedhom.+
17 Ħa tkun fuqna s-sbuħija taʼ Ġeħova Alla tagħna,+U xogħol idejna stabbilih fis-sod għalina.+Iva, xogħol idejna stabbilih fis-sod.+
Noti taʼ taħt
^ Milli jidher, kull għassa kienet tkopri terz tal-ħin bejn inżul u tlugħ ix-xemx, jew xi erbaʼ sigħat il-waħda, skond iż-żmien tas-sena.
