Salmi 59:1-17
Lid-direttur. “Tagħmilx ħerba.” Taʼ David. Miktam.* Meta Sawl bagħat lil xi wħud jgħassulu daru, biex jagħtuh il-mewt.+
59 Eħlisni mill-għedewwa tiegħi, O Alla tiegħi;+Ipproteġini minn dawk li qed iqumu kontrija.+
2 Eħlisni minn dawk li jipprattikaw il-ħsara,+U salvani minn irġiel ħatjin tad-demm.
3 Għax, ara, huma qagħdu lesti għal ruħi;+Dawk b’saħħithom jattakkawni,+Minkejja li ma kien hemm ebda rvell u ebda dnub min-naħa tiegħi, O Ġeħova.+
4 Għalkemm m’għandix ħtija, huma jiġru u jlestu ruħhom.+Qum għas-sejħa tiegħi u ara.+
5 Int, O Alla Ġeħova taʼ l-armati, int l-Alla taʼ Israel.+Qum u itfaʼ l-attenzjoni tiegħek fuq il-ġnus kollha.+Tħennx għat-tradituri li jikkaġunaw l-uġigħ.+ Sela.
6 Huma jibqgħu jiġu lura fil-għaxija;+Joqogħdu jinbħu bħall-klieb+ u jduru mal-belt kollha.+
7 Ara! Kliem mill-agħar igelgel minn fommhom;+Sjuf hemm fuq xofftejhom,+Għax huma jgħidu: “Min qed jismaʼ?”+
8 Imma int, O Ġeħova, se tidħaq bihom;+Int se tiddieħaq bil-ġnus kollha.+
9 O Saħħa tiegħi, lejk se nibqaʼ nħares;+Għax għalija Alla hu post fl-għoli taʼ sigurtà.+
10 L-Alla li wrieni qalb tajba bl-imħabba se jiltaqaʼ miegħi;+Alla nnifsu se jġegħelni nħares rebbieħ lejn l-għedewwa tiegħi.+
11 Toqtolhomx, ħalli l-poplu tiegħi ma jinsiex.+Permezz taʼ l-enerġija kbira tiegħek ġerrihom ’l hemm u ’l hawn,+U waqqagħhom, O Ġeħova, it-tarka tagħna,+
12 Għad-dnub taʼ fommhom, il-kelma taʼ xofftejhom;+U ħa jinqabdu fil-kburija tagħhom,+Kif ukoll għas-saħta u l-qerq li jirripetu.
13 Temmhom fil-korla;+Temmhom, biex ma jkunux iktar.Ħa jkunu jafu li Alla qed jaħkem fuq Ġakobb sa truf l-art.+ Sela.
14 U ħallihom jiġu lura fil-għaxija;Ħa jinbħu bħall-klieb u jduru mal-belt kollha.+
15 Ħa jiġġerrew ’l hemm u ’l hawn għal xi ħaġa x’jieklu;+Tħallihomx jixbgħu jew ikollhom fejn jgħaddu l-lejl.+
16 Imma min-naħa tiegħi, jien se nkanta dwar is-saħħa tiegħek,+U fil-għodu se nitkellem bil-ferħ dwar il-qalb tajba bl-imħabba tiegħek.+Għax int urejt li int post fl-għoli taʼ sigurtà għalija+U post fejn għandi naħrab f’jum in-niket tiegħi.+
17 O Saħħa tiegħi, lilek se ngħanni,+Għax Alla hu post fl-għoli taʼ sigurtà għalija, l-Alla li jurini qalb tajba bl-imħabba.+
Noti taʼ taħt
^ Ara Sa 16:Sopr, in-nota taʼ taħt.
