Salmo 146:1-10
146 Idaydayawyo ni Jah!*+
Ti intero a kinataok* idaydayawna koma ni Jehova.+
2 Idaydayawko ni Jehova iti intero a panagbiagko.
Agkantaak iti panangidaydayaw* iti Diosko bayat a sibibiagak.
3 Saankayo nga agtalek kadagiti prinsipe*Wenno uray iti tao ta saan a makaisalakan.+
4 Mapugsat ti angesna,* agsubli iti daga;+Iti dayta met la nga aldaw, mapukawen ti panunotna.+
5 Naragsak ti tao a ti Dios ni Jacob ti katulonganna,+Ken mangnamnama ken Jehova a Diosna,+
6 Ti Nangaramid iti langit ken daga,Iti baybay, ken iti amin a linaonda,+Daydiay agnanayon a matalek,+
7 Daydiay mangmangted iti hustisia kadagiti biktima ti panangloko,Daydiay mangmangted iti makan kadagiti mabisin.+
Wayawayaan ni Jehova dagiti balud.*+
8 Lukluktan ni Jehova dagiti mata dagiti bulsek;+Bangbangonen ni Jehova dagiti madagdagsenan;+Ay-ayaten ni Jehova dagiti nalinteg.
9 Salsalakniban ni Jehova dagiti ganggannaet a residente;Supsuportaranna ti awan amana nga ubing ken ti balo a babai,+Ngem laplapdanna ti plano dagiti managdakdakes.*+
10 Ni Jehova ket Ari iti agnanayon,+Ti Diosmo, O Sion, iti amin a henerasion.
Idaydayawyo ni Jah!*
Footnotes
^ Wenno “Hallelujah!” Ti “Jah” ket napaababa a porma ti nagan a Jehova.
^ Wenno “kararuak.”
^ Wenno “Agputarak iti musika.”
^ Wenno “natan-ok.”
^ Wenno “espirituna.”
^ Lit., “naigalut.”
^ Wenno “killuenna ti dalan dagiti managdakdakes.”
^ Wenno “Hallelujah!” Ti “Jah” ket napaababa a porma ti nagan a Jehova.
