Salmo 85:1-13

  • Kararag para iti pannakaipaay manen iti parabur

    • Talna ti ibaganto ti Dios kadagiti napudno kenkuana (8)

    • Agsinnabatto da napudno nga ayat ken kinamatalek (10)

Iti direktor. Salmo ti annak ni Kore.+ Kanta. 85  O Jehova, pinaraburam ti dagam;+Insublim dagidiay naipanaw idi nga annak ni Jacob.+   Pinunasmo ti biddut dagiti tattaom;Pinakawanmo* ti amin a basolda.+ (Selah)   Linapdam ti nakaro a pungtotmo;Pinabaawmo ti bara ti ungetmo.+   Awatennakami manen,* O Dios a mangisalakan kadakami,Ket lipatemon ti pungtotmo kadakami.+   Agnanayonto kadi a makapungtotka kadakami?+ Saanto kadi nga agpatingga ti ungetmo kadakami?   Saannakaminto aya a pabilgen manen,Tapno agrag-o dagiti tattaom maigapu kenka?+   O Jehova, ipakitam kadakami ti napudno nga ayatmo,+Ket isalakannakami.   Imdengakto ti ibaga ti pudno a Dios a ni Jehova,Ta ibagananto ti talna kadagiti tattaona,+ kadagiti napudno kenkuana,Ngem saan koma a sobra manen ti panagtalekda iti bagida.+   Sisasagana a mangisalakan kadagidiay agbuteng kenkuana,+Tapno kanayon a maidaydayaw isuna iti dagatayo. 10  Agsinnabatto da napudno nga ayat ken kinamatalek;Aginnagepto da kinalinteg ken talna.+ 11  Agtubonto ti kinamatalek ditoy daga,Ken tumannawagto ti kinalinteg manipud langit.+ 12  Wen, ipaayto ni Jehova ti naimbag,*+Ket agapittayto iti dagatayo.+ 13  Magnanto ti kinalinteg iti sanguananna,+Ket mangaramidto iti dalan a pagnaanna.

Footnotes

Lit., “Inabbongam.”
Wenno “Ummongennakami manen.”
Wenno “kinarang-ay.”